مقالاتمقالات القراء

سامح المصري | يكتب : لما تخلف طفل فى مصر لازم يطلع دكتور

المصري

لو سألنا أى طفل مصري عايز تطلع إيه لما تكبر هيرد يقول ” دكتور ” .
من أيام وأنا بتابع أخبار نتيجة الثانوية العامة واللى معظمها أما فرح بسبب حصول الطالب على درجة كلية الطب ، أو حزن بسبب عدم حصول الطالب برده على درجة الطب !! وبرغم العدد الكبير إللى بيتخرج من الطب كل سنة.
إلا أن مصر فى المركز الأول على مستوى العالم فى انتشار الأمراض ، ومتأخرة جدا فى ملف الصحة ، والمؤسف فى الموضوع أن الطلاب بعد التخرج مش بيتوفر لهم فرص عمل أول ما يتخرج بسبب العدد الكبير من الخريجين مثلا كلية زأي طب الزقازيق خرجت 1600 دكتور العام الماضي !! .
هل الشرقية فيها مستشفيات تستوعب العدد ده كل سنة ؟ ، إلا طبعا لو معاه واسطة ممكن يلاقي فرصة فى مستشفى أو وحدة صحية ، يتوظف ويكون دكتور مشاء الله قد الدنيا وياخد رتب 600 جنيه و 12 جنيه شهريا بدل عدوة والاسم ” دكتور ” ، طبعا فى مصر الفلوس مش مهم أهم حاجة الفشخرة ، لكن لو كان التعليم فى مصر طبقا لسوق العمل كان الوضع تغير .
أمس قرأت خبر أن ” جيف بيزوس ” مؤسس شركة Amazon أصبح أغنى رجل فى العالم ، بعد ما كان ” بيل جيتس” مؤسس شركة Microsoft هو أغنى رجل فى العالم الفترة الماضية . إللى مش يعرف شركة Amazon هى شركة تجارة إلكترونية أمريكية ، حضرتك تقدر تشتري إى حاجة من أى مكان فى العالم ، من خلال الموقع الإلكتروني للشركة وتوصلك فى مكانك ، جيف بيزوس أسس الشركة دى سنة 1994 يعني ممكن بعد تخرج من الجامعة زأي “مارك زوكربيرج ” مؤسس Facebook إللى بينافس هو كمان على لقب أغنى رجل فى العالم فى وقت قياسي . إللى أنا عايز أقوله للشباب الصغير .
لو عايز تعيش حياة سعيدة ويكون معاك فلوس زأي الناس دى ، يبقى لازم تفكر بره الصندوق وتتعلم فى كلية تفيدك أنك تشتغل فى التكنولوجيا لان 40% من سوق العمل فى العلم الآن بيعتمد على التكنولوجيا ، والفترة القادمة النسبة هتزيد والسوق هيكون فيه فرص عمل كتير .

shady zaabl

كاتب صحفي مصري مهتم بالمواقع الإلكترونية وإدارتها وكتابة المقالات في جميع الأقسام وذو خبرة في الصحافة والإعلام والمحتوى لـ 5 سنوات وفقً لدراسة أكاديمية وتطبيق عملي .
زر الذهاب إلى الأعلى