سياسة

ما سر غضب السيسي أثناء افتتاحه حقل ظهر ؟

يكشف سر غضبه أثناء افتتاح حقل ظُهر

كتب | شادي زعبل

وجّه الرئيس عبد الفتاح السيسي الشكر لرجال القوات المسلحة ورجال وزارة الداخلية، وأجهزة الدولة، لما يقدمونه من جهد مبذول في العملية الشاملة في سيناء 2018، التي تستهدف مجابهة الإرهاب في كافة أنحاء الجمهورية.

وكشف السيسي، في كلمته أثناء استعراض نتائج العملية الشاملة “سيناء 2018” بمقر قيادة شرق القناة لمكافحة الإرهاب، السبب وراء غضبه خلال افتتاح حقل ظهر، قائلاً: “آه طبعا غضبان، لأنكم مش شايفين يا مصريين كل حجم العمل اللي بيتعمل في سيناء، إلاّ جزء بسيط، لكن الدولة المصرية كلها شغلها بيتم بالحجم ده، ولما حد يفكر يقرب من اللي إحنا بنعمله يبقى لازم أغضب لأني مش هسمح لحد يقرب من مصر ويقودها للخراب والفوضى”.

وأشار السيسي إلى أن “ما يتم من حرب شاملة ضد الإرهاب، يواكبها حرب بناء وتعمير وتنمية، لازم كل المصريين يغضبوا لما يشوفوا حجم العمل اللي بيتم في مصر، لازم نغضب ونخاف ونفزع في حماية اللي بنعمله، وانتوا يا مصريين اللي هتحافظوا على بلدكم، علشان نقول دي بلد بتنهض”.

shady zaabl

كاتب صحفي مصري مهتم بالمواقع الإلكترونية وإدارتها وكتابة المقالات في جميع الأقسام وذو خبرة في الصحافة والإعلام والمحتوى لـ 5 سنوات وفقً لدراسة أكاديمية وتطبيق عملي .
زر الذهاب إلى الأعلى