سعر رغيف الخبز .. وجه الرئيس عبد الفتاح السيسي، الحكومة اليوم الثلاثاء، بزيادة سعر رغيف الخبز المدعم.
وقال “السيسي”، خلال كلمته على هامش افتتاح المدينة الصناعية الغذائية سايلو فودز بمدينة السادات، اليوم الثلاثاء، إنه جاء الوقت لزيادة ثمن رغيف الخبز.
سعر رغيف الخبز
معقبًا: “الناس يقولوا ده كلام خلي وزير التموين يشيلها لا أنا اللي أشيلها قدام بلدي وناسي، مش معقول ادي 20 رغيف بثمن سيجارة هذا الامر لا بد أن يتوقف”.
وتابع،: “مينفعش أبيع رغيف الخبز بعملة مش معروفة، الاولاد ميعرفوش يعني أيه 5 ساغ”.
ويشهد الرئيس عبد الفتاح السيسي، افتتاح المدينة الصناعية الغذائية سايلو فودز بمدينة السادات.
ويفتتح الرئيس عبد الفتاح السيسي، اليوم الثلاثاء، المدينة الصناعية الغذائية سايلو فودز بمدينة السادات وعددا من المشروعات الأخرى بمدن الدلتا، وفقًا لما أعلنه السفير باسم راضي المتحدث باسم رئاسة الجمهورية.
9 رسائل عاجلة للرئيس السيسي
– الوقت قد حان لزيادة ثمن رغيف الخبز والذى يباع بـ 5 قروش ومش معقول أدى 20 رغيف بثمن سيجارة، رغيف العيش بيكلفنا 65 قرش وهذا الأمر لازم يتوقف.
– إحنا بنطور بلدنا ومش هينفع تمشى الأمور كده.. ونقول منقدرشى نقرب من رغيف العيش.. لا لا إحنا بلد محترمة تحترم ناسها وتجرى عليهم وبتجرى عليهم بجد أمام ربنا وامام الناس.. ومش هينفع أنى أوفر رغيف عيش بعملة غير معروفة.. محدش يعرف الـ “5 صاغ”.
– هناك أسباب لإعادة النظر في إعادة تسعير رغيف الخبز المدعم، خاصة أن هذا النظام المعمول به منذ عقود وحان الوقت إلى تعديله بما يواكب ما تتخذه الدولة من إجراءات وسياسات تتطلب تحقيق التوازن لما تقدمه للمواطنين.
– تحديد وتنظيم الإنجاب ينعكس على أمور كثيرة تخص صحة المصريين ويجب وجود وعى لدى المواطنين بشأن النظام الصحى لأبنائهم واستمرار النمو السكانى بهذه الطريقة، ينعكس على سبل رعاية أبنائنا وصحتهم.
– توفير وجبات غذائية للطلبة يكلف 8 مليار جنيه، وهخصم من كل وزارة علشان ندبر المبلغ وبقولها على الملأ.
– سيتم توفير وجبة غذائية مجانا لكل طالب بالمدارس بدءا من العام الدراسي الجديد 2021 – 2022 تصل تكلفة الوجبة إلى 15 جنيها.
– عندنا 4 ملايين طالب وزنهم زيادة، ده موضوع لازم يكون في ثقافة الناس ويكون فيه مراقبة لأوزانهم وأوزان أطفالهم.
– ربنا أمرنا بالتفكر والتدبر، ونأخد بأسباب الدنيا، طفل واحد جيد ولّا 3 أو 4 أطفال بظروف صعبة، لما نتكلم على 8 ملايين طالب عندهم أنيميا ده معناه إنهم بياكلوا غلط، ولما نقول 1.2 مليون طالب عندهم تقزم، يعني عندهم مشكلة.
– إحنا من 2010 لغاية دلوقتي زدنا 20 مليون، ده معناه زيادة الأسعار عشان الطلب زايد، بالطريقة اللي ماشيين بيها في النمو السكاني، صدقوني كل الجهد- وده مش مَنّ- إن استمرار هذا الشكل، وتكراري معناه تسجيل خطورته وأهميته، مش إحنا بس في الحكومة نهتم بيه، لأ، كلنا.
– نقدر نعمل مبادرة الرغبة في الإنجاب أن إحنا نعمل كشف على الراغبات في هذا الأمر لمدهم ببرنامج صحى معين قبل الحمل لتوعية الناس لأنها قصة كبيرة جدا.
تابع الشرقية توداي على جوجل نيوز 
