لماذا يعشق القطط، وتحديداً القطط المعاقة؟ هو نفسه لا يعرف الإجابة، فمنذ سنوات طويلة وجد فى نفسه ميلاً شديداً تجاه قطط الشارع التى تحتاج إلى مساعدة، وبمرور الوقت تحول هذا الميل إلى عشق، حتى أنه استأجر شقة فى الإسكندرية ليقوم فيها بممارسة هوايته وهى جمع القطط المريضة وعلاجها.
«عندى 64 قطة، اللى عمية واللى رجليها مقطوعة، واللى عندها إصابة شديدة فى جسمها، وكلهم باعتبرهم حتة منى وبربيهم كأنهم ولادى»، هكذا أصبحت القطط جزءاً مهماً فى حياة أحمد سليمان، الرجل الأربعينى، الذى وهب حياته لتربية وعلاج القطط التى يجمعها من الشوارع: «بعض الجيران فى العمارة بيقولوا لى سربهم، ده الأمهات بتسرب عيالها، لكن أنا مش هاين عليَّا أتخلى عن القطط اللى ربيتها وعالجتها».
لا يبخل «سليمان» على القطط، فهو يقدم لها كل ما هو غال ونفيس، فبعد حصوله على مرتبه الشهرى يذهب إلى السوق، ويشترى أطعمة مختلفة للقطط تكفيها الشهر بأكمله: «أنا عايش عشان القطط دى، وبجيبلهم بمرتبى سمك ومكرونة وأكل مجفف.. وكمان أدوية».
وقال: «الناس بره بتحترم الحيوان أكتر مننا، ولما بعرض عليهم صورهم، بيتفقوا معايا لما ينزلوا مصر هيشتروها، وكذا قطة سافرت وارتاحت من البلد اللى مبترحمش البنى آدم عشان ترحم الحيوان»، وأضاف: «أنا بعالج القطط بنفسى مع إنى مش دكتور، لأن الدكاترة أغلبهم جهلة وميعرفوش ربنا، وموّتوا لى أكتر من قطة قبل كده».
المصدر
تابع الشرقية توداي على جوجل نيوز 
