مفاجأة.. بمقطع صوتي شيرين عبد الوهاب ترد على التسريبات المنسوبة لوالد حسام حبيب
خرجت الفنانة شيرين عبد الوهاب عن صمتها، بعد التسريبات الصوتية التي انتشرت مؤخرًا، والتي تتضمن تسجيل صوتي لـ حسين حبيب، والد الفنان حسام حبيب زوج شيرين.
تضمن التسجيل حديث والد حسام عن خطة نجله للزواج سرًا، وذلك من أجل إنجاب أطفال، وأن نجله حسام هو من يتحكم في كافة الحسابات المالية الخاصة بشيرين، وأنه شخص ذكي ويأخذ منها كما يشاء وبدون الرجوع لها.
شيرين عبد الوهاب
وقد علقت شيرين على هذه التسجيلات من خلال مقطع صوتي نشرته مصحوبًا بصورتها هي وزوجها حسام حبيب، قالت فيه:
عاوزة أطمن كل الناس اللي بتحبني وكل الناس الكويسين اني انا بخير ومفيش أي خطر عليا أو على حياتي..
وتابعت شيرين: بالنسبة للي حصل فانا محتاجة ارد عليه، واسمحولي أقولكم أن حسام جوزي اللي أنا معشراه ده انسان من أنضف رجال الدنيا، وانسان محترم وانسان متربي وبيحبني أكتر من نفسه، وميستاهلش منكم كم الأذى ده..
واستطردت شيرين عبدالوهاب:
بس أنا مدايكم العذر لأنكم متعرفهوش، بس عاوزة أقولكم أن ربنا حطه في طريقي في وقت أنا كنت فيه متكسرة ومتدمرة، وهو بنالي شخصيتي وخلاني بقيت بأعرف اتكلم ورجعلي ثقتي في نفسي..
واستكملت: حسام ربنا بعتهولي وربنا مبيعمليش حاجة وحشة، وحسام بيحبني أكتر من نفسه أنا وبناتي وده دليل أنه من ساعة ما اتجوزني معملش لنفسه أي حاجة.. وهو بس عايش علشان يخاف عليا وعلى عيالي…
واختتمت:
وأنا عايزة أقول كمان أن حماتي الست اللي ربت راجل كده لازم تكون ست عظيمة، وحسام انسان عظيم.. باتمنى منكم تدعولنا بالذرية الصالحة.. وأنا بقولكم حسام راجل نقي ونضيف وربنا هو اللي بعتهولي
ردي لجمهوري الحبيب و وسائل الاعلام المحترمة. (الجزء الاول) pic.twitter.com/DcfmFWB7H8
— Sherine Abdel-Wahab (@sherine) June 28, 2021