ثقافة و فن

صديقة علياء عسّاف تكشف التفاصيل الكاملة لطلاق «أم الشحّات»

علياء

نشرت إحدى صديقات الفنانة علياء عساف الشهيرة بـ”أم الشحّات” ما أكّدت أنه الرواية الحقيقية لطلاقها من رجل الأعمال محمد عماد الدين.

ونشرت سهام شعبان صديقة عساف عبر صفحتها على مواقع التواصل الإجتماعي “فيسبوك” تفاصيل كثيرة بعد الاتهامات المتبادلة بين صديقتها وطليقها بعد أن اتهمته بطردها من المنزل من دون ملابسها، فرد عليها بأنه اتفق معها على عدم العودة للتمثيل وهي من أخلفت وعدها.

وقالت “علياء عساف صاحبتى من وهي عندها 11 سنة طفلة عرفتها لما كنت بتدرب على الغنا في الأوبرا كانت هي ومامتها دايما زى التوءم هي اللى خرجت بيها من الدنيا بعد انفصالها عن أبو علياء ودى كانت كل معرفتى بيها أنا لما سافرت ماشوفتهاش تانى بس كنت متابعة أخبارها فجأة لقيتها بقت نجمة صاعدة ومسلسلات وأفلام كأن حاجة صغيرة كبرت قدامى فجأة كنت فرحانة بيها أوى “.

وأضافت: “بفتح فيس بوك لقيت الدنيا مقلوبة علياء اتجوزت أم الشحات اتجوزت يا ولاد وكوميك بقى والناس كتبت واللى كتبوا أم الشحات اتجوزت وإحنا قاعدين وضحك وأفراح أنا ابتسامتى كانت شبرين الأوزعة دى اتجوزت الله على الفرحة وجوزها شكله محترم وسِمح والحمدلله إن مامتها اطمنت عليها وباركت وخلصت القصة”.

وتابعت: “لما اتصلت بيها من أسبوع بقولها أخبارك يلا أنا هنا تعالى نخرج وهاتى جوزك نحتفل مع إنها متأخرة كانت المفاجاة.. علياء اتطلقت بعد 8 شهور جواز.. جواز صالونات عادى عروسة لعريس واتعرفوا واتجوزوا ولا قصة حب ولا أي حاجة عريس محترم ابن ناس كويسين عامل عمره وأهله كويسين ماديا تاجر موبيلييا وعارف إنها ممثلة محترمة في بداية حياتها الفنية.. اتفقوا إنها تكمل بعد الجواز تمثيل لأنها طول عمرها موهوبة وبتحب الفن ده غير إنها محترمة وبتنقى أدوارها وأى حد يتشرف بيه “.

وأردفت: “اتعمل لعياء فرح جميل وسافروا جزر المالديف حلم كل اتنين يقضوا شهر العسل هناك وكانوا أسعد اتنين صور جميلة أحضان في الصور احتواء وحب لحظات أنا شخصيا بتمناها في يوم تحصلى بس الصور موش زى ما انتوا فاهمين وماكنتوش بتصدقونى وفاكرينى معقدة”.

وأوضحت تفاصيل الطلاق قائلةً: “مبدئيا علياء أمها عندها سرطان ومصدر دخلها وعلاجها الوحيد من بنتها يعنى من الآخر علياء بتشقى عشان علاج أمها مش عشان تجيب عربية ولا شقة ولا يتشاور عليها في الشارع ده غير إنها من وهي طفلة بتعمل إعلانات يعنى بتحب الشغلانة دى ومؤمنة بيها طالما مابتغلطش.. لما علياء اتجوزت طلبت من جوزها إنها تكمل تمثيل عشان مش ممكن هيدفع مثلا 30.. 40 ألف جنيه لحماته علاج محدش هيعملها ومع أنه قادر بس برضو”.

وأضافت: المهم جوز علياء كان المفروض يعملها بيت في القاهرة لأنه من الإسماعيلية وشغله هناك لكن لما جت كل حاجة بسرعة وافقت تبقى معاه في بيت أهله بيت عيلة من كام دور وعاشت فعلا كانت طول مامعندهاش شغل هناك طبعا المشكلة أن أمها في القاهرة يعنى أم مريضة لازم تروحلها لكن جوز علياء كان بيرفض ولما أمها كانت بتزورها وتقولها يابنتى خلصوا بيتكم عشان تعرفى تجيلى وأنا عيانة طرد أمها من البيت ومنع أمها تزور بنتها بالشهور ووقع مابينهم ست مريضة بسرطان عادى تنطرد وبنتها تتمنع من الخروج”.

وأردفت: “عاشت علياء في البيت عبارة عن روتين فقط يومي..الغدا عن والدته.. العشاء مع والدته.. السهر عند والدته.. الخروج مع أهل والدته ووالدته. دى البنت ماطبختلوش من إيديها مرة عشان والدته.. دى مرة طلبت تعمل عمره كان مواعدها بيها بعد الجواز رفض يطلعلها وحجز في شرم الشيخ عشان والدته كانت حابة تصيف المنحرفة عاوزة تعمل عمره ياجماعة.. !!”.

واستطردت في تفاصيل طلاق “أم الشحات”: المهم جه لعلياء دور مهم في مسلسل نيلى كريم الجديد “سقوط حُر” ومن هنا انتهت حكاية الصور واللى ورا الصور الجوازة والدنيا انتهت ووقفت.. انتى مش هتشتغلى انتى ممنوعة من كل حاجة أنا مااتفقتش إنك تشتغلى الفن ده مجال انحراف ومستنقع منحرفين لمت هدومها وطلبت الطلاق حبسها وضربها وشتمها بأقذر الشتايم وصلت لدرجة أن والدته فتحت عليها باب أوضتها وهي نايمة وشتمتها وطردتها برة الشقة”…

وختمت: “عاليا جالها مرض نفسي مزمن وهي أصلا جسمها ضعيف أضربت عن الأكل ودخلت في حالة مرضية نفسية من الدرجة الأولى كان بيغمى عليها بالساعات وبيشوفوها ما بيحاولوش ينقذوها دى مرة وقعت في الحمام 3 ساعات وشافها وفين لما فكر يشيلها ده هددها بالقتل وقالها هفصل راسك عن جسمك لو جبتي سيره شغلك تاني”.

المصدر

زر الذهاب إلى الأعلى