فاكرين أبو قردان صديق الفلاح الطائر الابيض الرشيق..الطائر ده غريب جدا اقوي سلاح فيه انه يتغذي علي كل الافات في الاراضي وبالتالي هو مهم ومفيد لينا علشان كده هو صديق الفلاح لانه بيساعده في مقاومة الافات علي الزرع بتاعه دلوقتي الطائر الفلاح ده غير مهنته واتغير لونه لانه مش بقي ابيض خلاص مش تستغرب .. ده علشان يأكل ويعيش..الفكرة ببساطة انه عايش في ارضة لكن الفلاح ساب ارضة يعني الاماكن الي اصبحت مصدر للقمامة دي اراضي زراعية واتبورت واصبحت اماكن قمامة.
وزي ما في فلاحيين كتير سابو ارضهم وهاجرو مصر علشان يشتغلو اي شئ غير مهنتهم الاساسية هو كمان ساب مهنته في الارض والفلاح مهنته في الزراعه واشتغل زبال علي صناديق الزباله بعد ما كان بيساعد الفلاح فى تنقية الارض من الدوده , تعرف العيب مش عليه العيب علي الي باع ارضة بسبب استسلامة لفساد المجتمع فأخد اسهل طريق باع ارضة وهاجر بعد ما بورها وبعها وباع قضية وطن
وعلي رأي اخي .
عايز ايه من بلد ابو قردان فيها كان زمان فلاح بكرامته…دلوقتي شغال فيها زبال باهانة
تفتكر هل كل واحد اخد اسهل طريق وبقي عواد .. عواد الي باع ارضه يا ولاد شوفو طوله وعرضه يا ولاد فكان عواد رمزا للعار والخسة والدناءة الذي باع أرضه التي هي أصله وشرفه في المجتمع ذات يوم حان الوقت لنكافح ظاهره عواد الرمز للفساد اللذي استشري في المجتمع ويرجع كل في مكانه ونصابه الصحيح علشان نقدر نبني البلد دي بجد .
تحيا الوطن وتحيا مصر
مقالات الرأي تعبر عن وجهة نظر صاحبها ولا تعبر بالضرورة عن الشرقية توداي
تابع الشرقية توداي على جوجل نيوز 
