طارق عزت | يكتب: إبنى إبنك .. مؤهل عالى اه بس مايهمش

كم واحد فينا في مصر جاب 99% في الثانوية العامة بلاش كم واحد جاب 105 % فعلا احنا فخورين بيك وانت رائع فعلا بل اكثر من ده (^ـ^) ..بس الشاب ده سقط في إعدادي هندسة ازاي الفلته يقع..تعرف ليه لان اساسة مش سليم حياته كلها إتبنت علي تنمية قدرة وملكة واحده من الي اعطاها لينا ربنا وهي ملكه وقدرة الـحــفــظ واهمل ويمكن قتل اهم ملكة وقدره وهي التفكير
وكم اكثر من رائع زي صاحبنا ده يكون طالع الاول علي اداب ولا اي كليه نظرية وطبعا مش ليه تعيين علشان الاعداد ويروح يقدم في وظيفة ما وتكون نتيجه المقابله الشخصية-الانترفيو زي ما راح زي ما جه لا وكمان محبط حاسس ان مش عارف اي حاجه في اي حاجه ويقول «هو فيه كده»
الموضوع مش محتاج تفكير إحنا بنتكلم في الأهم دلوقتي وهو انك متباقش كده بس بالعكس عاوزينك احسن من كده عاوزين الجيل ده يطلع ابنه وطفله قائد..طفل قادر انه ينتج ويبدع تعرف ان فيه ماده بتأخد علشان تعمل إستثمار عقلي سليم يبني طفل قادر علي …علي….علي ..إتخاذ القرار .. عارف انك ممكن تضحك او تبتسم او تستغرب جدا ايه يعني حتة عيل ولا طفل قادر علي اتخاذ القرار دي .. دي حقيقية الطفل عنده 7 سنين بيكون قادر انه يعتمد علي نفسه مش بيعتمد علي الاب والام في كل حاجه يقدر يعمل حاجته بنفسه ويقدر يقول هلبس ايه وهعمل ايه ويقدر لو حصل موقف يخد افضل توقع وحاجات رائعه فعلا وتحتاج منا فعلا اننا نفوق للجديد لان دماغه بتتكون اسرع وبتشتغل وتفكر وتخد قرار تخيل النماذج دي حقيقية وموجوده حولنا بس السنه في المدارس دي بـــ40 ألف جنية تقريبا معلش بس لو انت هتستثمر في ابنك وانت قادر انك تدفع خير لك ان تستثمر فيه طيب لو غير قادر دايما ابحث عن الفيدوهات زالنماذج الي ممكن تلقن بيها ابنك بحب ازاي يعملها علمه يعمل بايده ناقشه شوف عالم جديد بيعمل ايه وحاول تحسن فيه اتعلم وعلمة هو ده الاستثمار الحقيقي في العقل وعلي راي المثل إبني إبنك ولا تبنيش لإبنك

المصدر | الشرقية توداى