طب وبعديييييييييييين
عملنا ثوره ومشينا مبارك
طب وبعديييييييييييين
بنحاكم مبارك وبنشوفه مزلول هو وولاده وشلته
طب وبعديييييييييييين
ايه يا بلد وبعدين معاكي لا حالك بينعدل ولا الوضع بينقلب
النظام هو هو والحال هوهو
هو مفيش غير الهوهو الي في ايدنا كل البلد بتقول هوهو طيب وبعدين
كل ما امشي في حته الاقي اعتصامات واضرابات وده بيتخانق وده بيتعالي
طب وبعدين
بقي نفسي اشوفك مره يا بلد من غير التكشيره
نفسي امشي فيكي الصبح ملقيش غير ابتسامه وكلمه صباح الخير
ولما امشي في شوارعك في الليل الاقي النيل صافي وبيضحك
مش مغموم وبيعيط علي حال ولادك
ولادك الي بقوا شعارهم طنش تعش تنتعش
يقولك في فساد طنش يقولك فيه اضرابات طنش يا عم البلد مش عاوزه غير طنش
طيب وهطنش لامتي
لامتي الحال هيفضل كده
لامتي هشوفك من بعيد مقربش
طب وبعدين
ياتري ولادك هيضحوا علشانك تاني ولا يا تري ولادك الي راحوا هيخدوا حقهم ويرتاحوا
لفين وخدانا ولفين مشيا بينا
لبر الامان ولا لبير خربان
طب وبعديييييييين
تابع الشرقية توداي على جوجل نيوز 
