«يوم بلا فساد».. عنوان لاسم الحملة، التي دشنها الإعلامي عمرو أديب، مساء الأحد، في برنامجه «القاهرة اليوم»، مشيرًا إلى أنها ستنطلق، الاثنين 23 يونيو الجاري.
وقال «أديب»، في برنامجه على الهواء بقناة «اليوم»: «نجرب، جايز نعرف نعيش من غير فساد، إحنا مش شعب بيحب الرذيلة، بما أننا متدينين وناس راقية وشعوب لها تاريخ».
وأضاف: «23 يونيو يوم بلا فساد، واخترنا يوم الاثنين اللي بعد الجاي يوم بلا فساد، وكل واحد ياخد حقه بلا فساد، وهنزل من الصبح قدام ربنا، يا رب أنا مش ناوي أعمل حاجة غلط خالص».
وتساءل: «هل تستطيع أن تقضي 24 ساعة من غير ما تغضب ربنا؟»، مضيفًا: «ما تكذبش ماتجاملش ماتنافقش».
وتابع: «يوم الاثنين 23 يونيو يوم بلا فساد ونعمله هاشتاج، ونحاول يوم نبقى مش فاسدين، يوم نضيف كأنك صايم يا أخي، وأهه صادف يوم الاثنين اليوم اللي الناس بتصوم فيه».
وأكمل: «هل ممكن نروح حتة نعمل حاجة من غير الشاي بتاع الباشا والدرج مقفول يوم واحد وبعد كده نفتحه تاني؟».
المصدر
تابع الشرقية توداي على جوجل نيوز 
