فتاة منتقبة تنشر صور لحظة التحرش بها في ميكروباص

كتب | أحمد الدويري

في ظاهرة أصبحت يومية، تعرضت فتاة تدعى «شروق أسامة» للتحرش من قبل أحد الشباب في ميكروباص بحلوان.

حيث نشرت عبر صفحتها الشخصية على «فيس بوك»، لحظة توثيقها لمحاولة تحرش تعرضت لها لدى استقلالها «ميكروباص» خط «حلوان ـ التبين».

وعلقت قائلة «دي تقريبًا أول مرة اقتنع إن معندناش رجالة، والصورة دي لسه حاصلة معايا حالًا، أول حاجة عملتها إني صورت عشان لما يقول معملتش يبقى أعرف أرد عليه.

وانتابتها حالة من الصدمة عندما رفعت صوتها على المتحرش وإذ برد فعل الركاب «خلاص يا آنسة .. معلش خلاص».

وتابعت:« يعني رجاله كبار بشنبات بيقولولي اسكت لما واحد يمد إيده عليا، ده أنا أصحابي أرجل منهم»، مُوجهة حديثها: “لكل الفتيات: «إحنا معندناش رجالة فخدي حقك منك ليها واخشوشنو، ويبقا حد يجي يقوللي أصل لبسك مستفز».

تابع الشرقية توداي على جوجل نيوز