قالت الكاتبة الصحيفة فريدة الشوباشى، أن مصر تستورد 70 % من احتياجاتها من الخارج، مشيرة إلى أننا يجب أن نرفع شعار “انتجوا تصحوا” متابعة : «معندناش حل غير الإنتاج وليس الاعتماد على أن الحكومة تستلف وتأكلنا لازم نبنى مستقبل بلدنا».
وأضافت الشوباشي فى تصريحات خاصة : «السيسى استلم بلد بيت خربان ومينفعش نقوله تانى يوم فين القصر يا سيسى .. إحنا سكتنا عشرات السنين والبلد بتخرب وإمكانياتها بتروح ومصانعها بتتباع كله ده احنا مسئولين عنه».
وتابعت : «النهادرة نفدنا ببلدنا بتمشى بعربيتك بأمان وده مكسب كبير، مضيفة “أنا عندى 30 يونيو زى كل تاريخنا الحضارى يمكن زى الأهرامات كمان، لأن لو مفيش 30 يونيو كان هيبقى فى ولاية سيناء»”.
وأوضحت أن العالم كله فى أزمة وغلاء وبطالة بشكل متفشى، ناتج عن الرأس مالية المتوحشة، متابعة: “اللى حدث فى مصر سينعكس إيجابيا فى العالم العربى، عندنا أمل فى المستقبل ولدينا قيادة محترمة”.
وأضافت فريدة من جانبها : “لازم نمر بفترة فيها تضحيات والخطوات اللى بنعملها بنبى بيها بلدنا تانى”، متابعة: “لو ضربنا مثل أن رغيف العيش بـ20 قرش احسن من أننا منلاقهوش خالص ونلاقى داعش واللى بيحصل فى الموصل.. مش كل حاجة نأكل.. إنشاء الله نأكلها بدقة ونبنى بلدنا.. والهدف من الإجراءات الصعبة إصلاح ما فسدته الفترة السابقة”.
وقالت الكاتبة الصحفية من جانبها : «لازم يكون هناك توازن بين انتاجنا واستهلاكنا ونحقق الاكتفاء الذاتى، مشيرة إلى أن القمامة فى الشوارع يمكن نطورها ونحولها لدهب بس نحتاج للتطوير».
المصدر
تابع الشرقية توداي على جوجل نيوز 
