«قالولى هات 95% جبت لهم 98% ودخلت لهم هندسة.. أقسم بالله ما شفت قدامى، الضرب من كل ناحية، إيشى كويزات على ميتدتيرمات على جروب الدفعة اللى محدش بيرد عليه».. مقطع من فيديو ساخر يرصد معاناة طلاب كلية الهندسة الذين لا يحصلون على قسط من الراحة سوى فى أحلامهم التى يستيقظون منها على «كويز» مفاجئ، علاوة على عالمهم الملىء بالأشكال الهندسية وصور الرسومات التى تسيطر على هواتفهم المحمولة.
«المصحة»، مجموعة شباب قرروا رصد معاناة طلاب كلية الهندسة من خلال فيديو مدته دقيقة و41 ثانية، حصل على 45 ألف متابعة على موقع «فيس بوك»، قال صالح النووى 22 عاماً، طالب فى كلية إعلام جامعة مصر للعلوم والتكنولوجيا، ومسئول عن الفريق: «الفكرة جات لنا من صحابنا طلاب كلية الهندسة اللى دايماً مشغولين ومش فاضيين يخرجوا معانا بسبب ضغط المذاكرة والعملى».
صوّر فريق «المصحة» فيديوهات كثيرة فى موضوعات مختلفة، لكن كان تركيزهم منصباً على الطلاب ومعاناتهم خلال الامتحانات، وحصل فيديو طلاب كلية الهندسة على أكبر مشاهدة: «فيديو الهندسة كان بمثابة الانتشار للفريق اللى بدأ مشواره من شهرين، إحنا على الفيس بوك بنعمل تريند أكتر من اليوتيوب، وبننتج على نفقاتنا الخاصة، وحالياً بندور على شركة تدعم إنتاجنا مادياً».
«ده أنا خدت اعدادى فى سنتين، ولما يجينا ساعة التخصص هتخصص إيه، مدنى؟ لا، ده صعب.. طب عمارة؟ لا، ده بتاع الفرافير.. طب ميكانيكا ويقولوا عليا ميكانيكى».. كلمات ساخرة اختتم بها الفيديو وليد مغازى، الممثل الذى قام بأداء دور طالب الهندسة المطحون وسط الكتب الدراسية والامتحانات الكثيفة.
تابع الشرقية توداي على جوجل نيوز 
