الناس اللى بتتكلم أنهم لقوا بودرة سيراميك فى الدقيق البلدى خدوا دى:
عصير المانجو اللي في محلات العصير 70% منه مش ليه علاقه بالمانجو اصلا..ده قرع عسلي
اللانشون والبسطرمة.. اللي المفروض مكتوب عليها لحم بقري خالص حلال..
مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل
وجيلاتين وعضم فراخ انواع الهامبورجر المنتشره في
السوق (عدا نوعين تلاتة) كوكتيل من البهارات وماده جيلاتينية بتبقي مبطنة
لجلد الحيوانات بعد الذبح وبتتباع من المسلخ الطن منها بـ 250 جنيه تقريبا
الطن منها بيستخدم (بعد الغلي في قدور كبيرة مقززة في مناطق لاادمية
باستخدام عصاية شبه المجداف كده للتقليب) وبيعمل حوالي 500 عبوة (زنة 1
كيلو برجر) بتتباع بـ 10 جنيه – الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها
وبعضها مفيهوش ريحة السمسم اصلاً.. عليها دقيق وفورمالين عشان تمسك
نفسها.. اصل الدولار بقي غالي فالسمسم غالي والزبون عاوز الارخص مش الانضف
فلاتر ميه الشرب.. بتفلتر الطعم (عبر ازالة الكلور) والريحة (عن طريق
الفلتر الكربوني) لكن المعادن التقيله اغلبها مبيتفلترش اصلا الا في
الفلاتر الاكتر من 3 مراحل.. – سمك المزارع السمكية..بياكل دم ومخلفات عمليات الذبح عشان يكبر بسرعة
فراخ المزارع.. من كتكوت عمره يوم لفرخه كاملة وزنها كيلو علي الاقل الي
كيلو و200 جرام بياخد 19 يوم..حقن هرمونات في الاكل وميه الشرب.. علما ان
الفرخة الطبيعه عاوزه 4 شهور عشان تقرب من الحجم ده – محلات
الحلويات اللي بتبيع الحلويات للشرقية بالسمن البلدي.. ولابلدي ولانيلة دي
معموله بسمنة صناعي وعليها مكسبات طعم زي اللي بيستخدموها ف المصانع الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟ بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة شكلا وطعما ندخل على اللحوم اخيرا ..حدث ولا حرج ..حمير كلاب قطط وكل ما تتخيلة من انواع الحيوانات ..يفرم ويقطع قطع لزوم عمل الكباب والكفتة والحواوشى فى معظم مطاعم الجمهورية بلا استثناء الا من القليل من المطاعم التى اصحابها عندهم ضمير وهم معدودين على الاصابع ومعروفين بالسمعة الطيبة من زمان وحتى الان ؟والحل فى النهاية من وجهة نظرى المتواضعة هو الرقابة على صناعة الاغذية بكافة انواعها وتحليلها تحليل جيد بواسطة موظفين الدولة من اصحاب الضمير الحى الذين لايقبلون الرشوة او يقبلون ان يطعمو اولادهم من مال حرام ..لان اهم شىء فى اى عمل رقابى من الدولة ان يكون الموظف صاحب ضمير حى وليس ميت كما يحدث الان ومن زمان ايضا ؟
مقالات الرأي تعبر عن وجهة نظر صاحبها ولا تعبر بالضرورة عن الشرقية توداي
تابع الشرقية توداي على جوجل نيوز 
