سخر الفنان أحمد مكي بشخصيته «الكبير» في مسلسل «الكبير قوي» من تعامل المصريين مع المتفجرات والعبوات الناسفة و«الطائر الجاسوس»، فيما تهكمت حلقة اليوم من أداء إعلامية أطلق عليها اسم «سهام سعيد»، مقدمة برنامج «سرايا الخير».
وقال «الكبير»: «لو كان فيك قنبلة دوس عليها أو تنفجر، ما تستنوش الحكومة مش الحكومة اللى هتعمل كل حاجة، لو لاقيت جسم غريب فك السلك ودوس عليه».
وسخرت الحلقة من انتشار اتهامات الجاسوسية في مصر، التي وصلت إلى حد اتهام شخصيات كرتونية وطيور بالجاسوسية.
وظهر «الكبير» مع ممثلة تقمصت دور إعلامية والتي قالت: «أنا صممت أقدم الحقيقة لجمهوري.. إن شاء الله نموت نموت فدا الشغلانة ديا، لحد إمتى هنفضل كدة، إحنا عندنا مشاكل إحنا عندنا جواسيس».
وتابعت: «أنا عاوزة أجيب لكم المتهم (طائر أبوقردان)، بص للكاميرا، حط عينك في الكاميرا، معقولة ماعندكش شرف وكرامة مسمعتش عن العزة، مفكرتش مرة في أبوقردان ابنك مفكرتش هوة مستقبله إيه، إنت جبان، ربنا شايفك، هقولك كلمة المشاهدين كلهم عاوزين يسمعوها حسبي الله ونعم الوكيل فيك.. على فكرة إنت مش ممكن تكون طائر إنت حيوان».
في حين رد الفنان محمد سلام «هدرس»: «أنا شاكك فيه من زمان أبوقردان الطائر إزاي يخلف قردين».
بينما انتهى «محسن محسن ممتاز»، ضابط المخابرات، إلى أن «الموضوع كله فس»، قائلا «دي شريحة جي بي إس عادية».
وقال «الكبير قوي»: «كل الناس بقيت بتشك في بعضيها.. شوفنا جواسيس أكتر من اللي شافتهم مدام نادية الجندي في مجمل أعمالها».. وأضاف موجهًا حديثه لزوجته (دنيا سمير غانم): «ابقى اعملوا عليهم طواجن اتنين بالزيت والبامية».
المصدر
تابع الشرقية توداي على جوجل نيوز 
