مهنة سائق توتوك، تعد من المهن الحديثة في مصر، يهاجمها البعض، ويتفق معها البعض الأخر، اليوم نقدم لكم قصة أشيك سائق توك توك “شبيه الرئيس جمال عبدالناصر .
الأستاذ «محمد عبدالرحمن» يعمل سائق توك توك يشبه في ملامحه الرئيس الراحل جمال عبد الناصر.
اعتاد أن ينزل كل يوم إلى عمله بمنطقة المطرية، يرتدي بدلة فورمال كاملة، حذائها يلمع تحت آشعة الشمس، لم يشبه في ملامحه الرئيس جمال عبد الناصر فقط، بل يشبه أيضًا في ملابسه موظف كبير ذو منصب مرموق.
قال الأستاذ محمد عبد الرحمن:”دي طبيعتي من 16 سنة منزلش من بيتي غير وأنا لابس بدلة كاملة مغسولة ومكوية..
قصة أشيك سائق توك توك
القصة كاملة رواها الصحفي ” محمد رجب” عبر صفحته الشخصية بموقع التواصل الاجتماعي الفيس بوك، وجاءت كالتالي:
يشبه في ملامحه جمال عبد الناصر، يرتدي بدلة كاملة، حذائه يلمع تحت آشعة الشمس.. إنه الأستاذ محمد عبد الرحمن سائق التوك توك بمنطقة المطرية.
قابلته صباح اليوم لم أصدق مظهره خلف عجلة القيادة، ظننته في البداية يقدم برنامج الكاميرا الخفية أو أنه وكيل غبور ويختبر موديلاً جديدًا على أرض الواقع، لم يخطر ببالي أبدًا أنها مهنته وأنه يكسب قوت يومه من توصيل الركاب داخل الحواري والأزقة.
سألته: أنت ليه يا باشا لابس كده؟
قال: دي طبيعتي من 16 سنة منزلش من بيتي غير وأنا لابس بدلة كاملة مغسولة ومكوية.
أيوه ليه يعني حضرتك ده حتى احنا في صيف والجو حر جدا؟
قال: شوف أنا كنت سائق مدير شركة ماستر كارد هنا في مصر لمدة 11 سنة وده لبسي وده مظهري ولما استغنوا عني في 2015 اشتريت التوك توك ده لأن قعدة البيت صعبة والمعاش ميكفيش 3 أيام.
بس أنا معرفش أنزل من بيتي أشتغل إلا بالبدلة زي ما اتعودت لأن أهم حاجة نظافة الإنسان الشخصية ومظهره.
سألته: طيب لما بيقابلك ظابط وللا أمين شرطة بيتعاملوا معاك إزاي؟
قال: بيعاملوني بمنتهى الاحترام وكل الناس بتعاملني بمنتهى الاحترام وأنا بحب كل الناس وكل الناس بتحبني.
توك توك
رديت عليه: والله يا أستاذ محمد حضرتك راجل جميل ومحترم وحقيقي اتشرفت بمعرفة حضرتك ممكن اتصور معاك واكتب عنك؟
قالي: اتفضل طبعًا دي حاجة تسعدني.
والله يا أستاذ محمد أنا اللي سعدت بمقابلة حضرتك. ربنا يرزقك ويستر طريقك.
هل نفسك في أي حاجة؟
أيوة نفسي أرجع شغلي تاني أنا بحب شركتي جدًا ومش عارف هم عملوا معايه كده ليه وأنت بتكتب عني قول إني نفسي أرجع شغلي تاني.
سائق توك توك
ياريت نساعد الأستاذ محمد عبد الرحمن ونشير حكايته يمكن يرجع شغله تاني أو يلتحق بالعمل في شركة على نفس المستوى.. ألف شكر.
تابع الشرقية توداي على جوجل نيوز 
