كتبت | هدير هشام
أعلنت الفنانة «سما المصري» عن توبتها بتدوينة نشرتها على حسابها الشخصي إنستجرام بحذف كل صورها الجريئة منه.
حيث قالت «يارب قدرني على اللي في نيتي ونور طريقي ونور بصري وبصيرتي وابعد عني اللي مش عايزه اعمله تاني ولا اللي يزعلك مني ويزعل الناس مني».
وأضافت قائلة:« أنا بدأت انضف حاجات كتير من صور وفيديوهات هنا الشيطان وزني عليها ومليش فيس ولا تويتر امسح من عليه حاجه مش بتوعي بس أنا السبب إني إديتهم فرصة ينزلوا صوري الوحشة عندهم.. يارب محتاجة وقت عشان انضف للأبد كل حاجة خليك واقف جمبي».
كما طالبت متداولي صورها بحذف أي صور جريئة تسيئ إلى توبتها.
والجدير بالذكر أن «سما» تعرضت لأزمة صحية الأيام الماضية وكتبت على حسابها الأربعاء: «أنا تمام.. كل اللي سأل عليا ماتقلقوش هابقي كويسة وأنتوا واحشني أوي.. معلش هو بني آدم متصاب دائمًا والحمد لله على كل اللي يجيبه ربنا، وأنا أحسن من ناس كتير تانية.. ربنا يشفي كل مريض ويشيل الألم من جسم أي حد تعبان».
View this post on Instagram
يااارب قدرني علي اللي في نيتي ونور طريقي إليه ونور بصري وبصيرتي وابعد عني اللي مش عايزه اعمله تاني ولا اللي يزعلك مني ويزعل الناس مني……اقف جمبي يارب…انت طلعتني من محنتي ووقفت جمبي في مرضي وعافيتني واستجبت دعايا قدرني وكملها معايا بالستر وابعد عني شيطاني وقويني بحق الساعه المفترج دي ماتسبنيش….ادتني الصحه والعافيه اديني القوه كمان عشان اقدر علي نفسي واقدر علي شيطاني حتي لو واحده واحده انا هاصبر واتحمل……قويني علي شيطاني وخليني انتصر عليه حتي لوبعدوقت طويل المهم تحسن خاتمتي…دعوه اتقبلها مني يارب بحق اليوم المفترج دا اللي بتغفر فيه ذنوب سنه بأكملها فاتت…..انا بدأت انضف حاجات كتير من صور وفيديوهات هنا الشيطان وزني عليها ومليش فيس ولا تويتر امسح من عليه حاجه مش بتوعي بس انا السبب انديتهم فرصه ينزلوا صوري الوحشه عندهم…..يارب محتاجه وقت عشان انضف للابد كل حاجه خليك واقف جمبي…..والناس اللي منزلين صوري وفيديوهاتي الوحشه ابوس ايديكم شيلوها ماتشيلونيش ذنب اكبر من كده……..ادعولي لو نيتي صافيه ربنا يقف جمبي ويقويني
تابع الشرقية توداي على جوجل نيوز 
