محمد الشافعي | يكتب: إزاى تستفاد من قوة التحديد

نفهم إيه من كل ده ان زيادة وعيك و معرفتك ب احتياجاتك و ازاي تقدر تحققها بيساعدك تستفاد من «قوة التحديد» اللي انت بتمتلكها بالفعل … انا شخصيا كانت بتقابلني مشكلة أني مكنتش عارف بالظبط انا متميز في ايه أو ايه بالظبط الحاجة اللي لو عملتها هكون بكده مبسوط و حاسس بالانجاز !!.. كل ده كان شاغلني و مهم بالنسبالي اعرف اجابه ليه لأن مكنش عندي استعداد أعيش حياتي شخص عادي مبيعملش حاجة مؤثرة تفيدني و يستفاد منها الناس معايا .

اللي عرفته بعد كده و كان سبب في أني قعدت فتره طويلة علشان اقدر احدد و اعرف بالظبط اللي انا متميز فيه هو ببساطة  درجة الوعي و فى المرحلة دى عرفت أني محتاج اتعلَّم اكتر و اجرب و أتعرف علي شخصيات بتحقق إنجازات في حياتها حتي لو بسيطة ( فعلا لما غيرت الصُحبه حاجات كتير اتغيرت معاها ) و مش معني كده ان صحابي كانوا و حشين بالعكس هما أشخاص مجتهده و كل الفرق بيني و بنهم ان اهتماماتهم مختلفه عن اهتماماتي و ده في حد ذاته كان مسبب عائق كبير في التواصل و التفاهم بِنا .

بالنسبالي كنت متقبِّل اهتمامهم و لكن ملقتش منهم تقبل لاهتماماتي ف قولت لنفسى اكيد مش هفضل عايش حياتى منتظر منهم يهتموا باللى بعمله وده فى حد ذاته مش فرض عليهم يعملوا كده لان ببساطة كل واحد حر يهتم بـ ايه علشان كده فكرت أتعرف علي صحبه تشجعني و تأخذ ب أيدي أكمل طريق شغفى و الحاجات اللى بحبها ، و ده اعتقد هيكون أفضل كتير من محاولة تفكيري أني اغيرهم و هما بالتأكيد مش هيتغيروا ولا دي كمان وظيفتي أني أغير اي شخص غيري .

يعني ملخص الحكاية انت اللي محتاج تغير من نفسك و تشيل من دماغك انك تغيرهم
انت بقي محتاج تعرف بالظبط هتغير ايه في نفسك ؟! أفكارك ،،مكانك ،،معارفك ،،مهاراتك،،

فى_النهاية أفتكر كويس انك بتمتلك  قوة التحديد و اللي هتقدر تستخدمها اكتر بزيادة ” حجم و درجة الوعي عندك  وده بيحصل لما تأخذ القرار تجرب و تقرأ و تحتك بثقافات مختلفه و تبدأ تطبق علي ارض الواقع افضل ما تعيش الواقع فقط فى خيالك
– قولنا استفادت ايه من المقاله دى ؟ و تحب ترشح مين من صحابك يقرأها معاك

انت أهم رحلة تغيير حياة ناس منعرفهمش