أسوء شعور أنك تعيش حياتك تبذل مجهود و تتعب و تيجي علي نفسك أوي و كل ده علشان تحقق حلم أهلك اللي معرفوش يحققوا هما في حياتهم «الأب ، الام» و تنسي حلمك انت .. نظريا ممكن يكونوا شايفين ليك ان طب افضل من صيدلة او هندسة افضل من تجارة .. بس عمليا هتكتشف ان كله زي بعضه اقصد اقولك انك اي تخصص تقدر تنجح فيه بصرف النظر عن شهادة ..
الكلية اللي زعلت انك مدخلتهاش ممكن بهدوء تسأل نفسك سؤال هل فعلا هي الكلية اللي كنت بحلم بيها و نفسي ادخلها ولا الكلية اللي طول عمري بسمعهم يقولوا ليه شد حيلك علشان تدخلها ،، وًتشرف العيله و تبقي دكتور قد الدنيا أو مهندس
تكتشف انك مكنتش عايش حلمك أقصد حياتك اللي المفروض تعشها ، بفكرك مهم تسال نفسك انت فعلا زعلان علي حلمك اللي راح ولا زعلان علي زعلهم هما و حلمهم هما اللي محققتوش لهم ، او يمكن زعلان علشان ابن خالك جاب اكتر منهم و ماما من وقتها مكسوفة تروحلهم.
انت محتاج تعرف مشاعرك اللي حاسس بيها دلوقتي هي مشاعرك انت ولا مشاعرهم هما ،، كل ده هيساعدك تفهم حقيقة نفسك علشان تقدر تتعامل معاه و تساعدها تحقق اللي بتحلم بيه ، قدر خوف اهلك عليك بس خلي بالك متخليش خوفهم ده يأثر عليك و يخوفك من نفسك يوصلك لدرجة انك تخلف تغلط او تخاف تجرب علشان هما منتظرين منك في كل حاجة هتعملها ١٠ من ١٠
توصل لدرجة إنك ترضيهم هما ترضي احتياجهم ، و متفهمش ليه جبت الدرجة النهائية ، غير انهم طلبوا منك كده ،، يعني مجبتهاش علشان انت عايز تجبها او بمعني أصح فهمت كل حاجة بتتعلمها و بناء عليه جبتها ،،
قبل تعلق أو حتي تعمل لايك ، فكر تاني في الكلام وقولنا بعد ما فهمت الكلام ده مشاعرك طلعت مشاعرك أنت ولا مشاعرهم ؟!
تابع الشرقية توداي على جوجل نيوز 
