كتب النقيب محمد طارق الوديع أحد ضباط 8 إبريل الذين مازالوا معتقلين قصيده جديدة من داخل محبسه بسجن القوات الجوية.. تحدث فيها عن الظلم الذي يتعرض له ومعاناة أهله وصمت الرئيس محمد مرسى عن ما يحدث وخضوع القضاء لأمزجة المسئولين.
وتنشر البداية القصيدة:
اعزلونا من السلاح وامنعونا من الكلام عيش فى عصر الخنتاريش
اعزلونا من السلاح بس السلاح من غيرنا عاجز ما يساويش
وامنعونا من الكلام بس الكلام جوا القلوب مابيتنسيش
كيل بميت مليون ميزان ما العدل أصبح عيش يا باشا وسيبنى أعيش
بالمزاج كله أصبح بالمزاج مين ها يخرج مين ها يفضل مين ها يرجع مين ها يطلع إمتى يدبح إمتى يسلخ إمتى يضرب فين بيوجع
والمصيبه أن الغشيم بيدوس ويضغط من غير ما يعرف ليه يخف وإمتى يرفع
الغشيم مهزوز ومرعوش فى القرار فى الجبن عاش تحت الحصار
ولما ساد وصبح له كرسى بغبائه زود فى المرار
و فى كل خطوه عمل عداوه صبح له تار
ولو فاكر أن الكرسى تانى ف يوم هايثبت
ثابت على بركان ونار
وف لحظه ممكن الانفجار
إعمل عبيط وأنا اللى قافشك من زمان ولحد إمتى هاتعيش كده فى دور الجنان
إخلص وخلص واجه و لخص ماهاينفعك ذن الودان
ما فيوم هاييجى أكيد هاواجهك فابلاش تكون زى اللى قبلك عمل عبيط كان راكبه جان
أقسم بربى الحق راجع أقسم بربى الحق راجع خليه بإيدك
أحسن ما يبقى بلوى إيدك الحق يطلع من قرارك أحسن ما يطلع من وريدك
أنتا موظف زينا يا عم أحنا مش عبيدك
طب ذل أبويا وأمى ده فيه بعده أي..ه غير تار وهم
وقضائك اللى ماشى بأوامرك وبمزاجك خير يا عم !!!!؟؟
أنا لسه شاري بس لو بعت القضيه هاتشوف جهنم بإيديا ديا وهاتخوض فى دم
تحذير أخير لو لسه فيه ذرة ضمير
الظلم يركع والعدل يرجع والحق يطلع مستنير
ولو ناوى تعند أنا مات كلامى وبموت كلامى هاعلمك معنى الزئير
المصدر | البداية
تابع الشرقية توداي على جوجل نيوز 
