عندي مشكله كبيرة, بالنسبه ليا هي مش مشكلتي لوحدي علي ما أعتقد إنها مشكله شعب كامل بيعاني من المهانه والفقر والقمع والعـار دلوقتي
مشكله شعب أراد دائما أن يعيش شريفا مرفوع الرأس يجد في بلده العداله الإجتماعيه لأطراف المجتمع ككل لآ لأحد بعينه .. عندما أردنا أن نحقق مطالبنا في الثوره التي لما يتخليها أحد إنها سوف يأتي يوم ونرآها فشلنا فشــل ذريع ورهيب وغير مسبوق.. الشعوب بتعمل ثورة علشان تعـمر وتبني وتنهي فسـاد.. إحنـا عملنا ثورة علشان نفسد وندمر ونخرب في أخلاق الشـباب… والمجتمع ككـُل في كل المجالآت..
بجد انا مش عارف أبدا منين ولا منين لكن عمرنا ما هنحس بطمع الحريه إلا لما نقدر نغير من نفسنا في كل شئ والأهم من أي شئ هو ” الأخلاق ”
الأخلاق الي زي ما تقولوا كدة بقت عمله نادره ما بين أطياف المجتمع ككُل.. بقيت شئ صعب تلآقيه زي ورقه الـ 200 جنيه كدة معظم شعب مصر مش لآقيها ومش في إيديه !!.. إعذروني انا هتكلم بالعاميه لأني هتكلم بأسم شعب شاف الذل والإستعباد والمهانه والفقر والحرمان والظلم والقهر والفساد .. ألخ الخ طوال سنوات عمــُره !
مشكلتنا دلوقتي إن بقي فينا فساد أخلاقي غير مسبوق أطلاقـا علي مر سنين هذا البلد,هديكم مثال بسيط و”حـي” بعاني منه انا وبعض من أهالي شارعي المحترمين , دلوقتي في شباب وقح واطفال ملآجئ بيجوا تحت عمارتنا يوميا يسهروا ويفتحوا تسجيل بصوت عالي وشتايم بقي وقذاره وسافله غير طبيعيه, انا عن نفسي ممكن انزل أتكلم معاهم بس متأكد إنهم هيقابلوني بالرفض فمن المؤكد همسك فيهم وهيمسكوا فيا وهتحصل مشاكل وخناقات وانا أهلي ناس محترمه مش بتوع مشاكل ولا حوارات زي كدة.. هل من الصحيح إن يفضل هذا الشباب الضـال والمعتوه والمنـُحط أخـلآقـا بهذا الشكل؟ هل من الصحيح أن نترك هذا الشباب يسفدون في الأرض ويعلمون غيرهم الوقاحه والإسفاف ؟
طب لماذا قمنا بثورة ؟ علشان نحقق عيش, حريه وعداله أجتماعيه؟
لآ يـا ســاده دة كان من الأرجح والأفيد إننا كنا نقوم ” بثوره أخلاق ”
نعيد فيها هيبتنا كأمه , نعيد لأنفسنا شـرف مسلوب !
” إنما الامم الاخلاق ما بقيت فان هموا ذهبت اخلاقهم ذهبــــــــــــــوا يا شعب مصـر ”
اقسم بربي في قلبي هــَم كبير بسبب أحوال بلدي المؤسفه والمحزنه والمـُحبطه دي بس حبيت أختصـر علشان حضراتكم مش تملوا ومش أشيل ولا أشيلكم هــَم أكتر من الي إحنــا فيه.
بقلم | محمد سليمان
مقالات القراء تعبر عن صاحبها ولا تعبر بالضرورة عن رأي الشرقية توداي
تابع الشرقية توداي على جوجل نيوز 
