السؤال الحقيقي في الاحداث الحالية … انت كمؤيد او معارض بتدور على الحقيقة ولا بتدور على انك تثبت وتأكد وجهة النظر اللي انت منحاز ليها ؟! – معظم الناس اذا مكانش كلهم لو مؤيد تلاقية عامل لايك للصفحات المؤيدة بس ومبيتفرجش غير على فيديوهات واخبار في صف التيار التابع ليه ويتداولها وينشرها , ولو معارض تلاقية عامل لايك للصفحات المعارضة بس ومبيتفرجش غير على فيديوهات واخبار في صف التيار التابع ليه ! –
من الاخر كل مؤيد او معارض هيلاقي في الصفحات و القنوات المؤيدة لوجهة نظره ماده هايلة تشحنة اكتر في توجهاتة وتثبتلة انه على حق و الشخص اللي عكس توجهاته عنده برضه ماده هايلة تشحنة اكتر في توجهاتة وتثبتلة انة على حق .
ولو ان انت كصاحب رؤيا معينه تعرف ناس ليهم نفس موقفك و اتقتلوا او شافوا بعنيهم قمع وقتل من التيار الاخر وتأكدلك صحة موقفك , فالطرف التاني برضه عنده نفس الاسباب اللي تخلي دي وجهة نظرة و تأكدلة صحة موقفة .
الخلاصة ان مفيش حاجه تخليك تتيقن من ان اتجاهك ووجهة نظرك هيا الصح بنسبة 100 % فبلاش تشحن نفسك اكتر ضد التيار الاخر وتخسر ناس و تسود نفسيتك أكتر !
تــــــــعــــايــــشـــــوا و أدعوا الله ان يجنبنا الفتن و ان يهلك الظالمين وان يعيد علينا وطننا امننا مطمأنا الى يوم الدين .
بقلم | محمد صلاح
مقالات القراء تعبر عن صاحبها ولا تعبر الضرورة عن رأي الشرقية توداي
تابع الشرقية توداي على جوجل نيوز 
