كتب | أحمد الدويري
أصدرت الإعلامية غادة جميل مذيعة سي بي سي سفرة بيانًا ترد فيه على منتقديها بشأن قرار خلع الحجاب الذي اتخذته منذ فترة.
بيان غادة جميل للرد على منتقديها
وكتبت غادة: «بصراحة موضوع التعليق على قلعي للحجاب بقي أوفر ومستفز وبوخ أوي، وبقالي شهور ساكتة ومش برد أصل الشتيمة مش بتلزق وزي ما كنا بنقول زمان وإحنا صغيرين الشتيمة بتلف تلف وترجع لصاحبها ولكن طالما انتوا على الصفحة بتاعتى سواء الإنستجرام أو الفيس بوك يبقى لازم نلتزم بشوية احترام من غير كلام خارج عن حدود الأدب»
وتابعت خلال البيان الذي نشرته على صفحتها : «بحترم اللي زعلان عشان قلعت الحجاب لأننا كلنا عارفين إن الحجاب فرض ولازم على كل بنت مسلمة إنها تلتزم بيه وإني أتخلي عن دا لأسباب ترجعلي أنا بس ومتهيألي إنه موضوع بين العبد وربه ومحدش فيكوا هيتحاسب مكاني ولا حطلب من حد يسلفني حسناته يوم الحساب.
وأنهت غادة بيانها «فاللي مش عاجبها ولا عاجبه يا تدعى دعوة حلوة بظهر الغيب أو تلتزم الصمت لأن ربنا بس اللي عالم باللي جوه قلب كل واحد أنا مش فاهمة تحكموا على إيه ما كل واحد يخليه في حاله وفي الامتحان اللي ربنا مديهوله نركز شوية في نفسنا وفي الورقة بتاعتنا وبطلوا تبصوا في ورقتي عشان دي حياتي».
يُذكر أن غادة جميل تقدم برنامج اتفضلوا عندنا على قناة ي بي سي سفرة، وقد وجها لها انتقادات حادة بشأن خلعها للحجاب.
تابع الشرقية توداي على جوجل نيوز 
