موقف غريب تعرضت له “دنيا محمد” بنت في العشرين من عمرها وتعمل في مجال التصوير الفوتوغرافي بمحافظة السويس، وذلك بعدما تفاجأت بطلب غريب من بنتين يطلبان تصوير “سيشن” لهما مع شاب يرتبطان به.
ولكن كل بنت منهما طلبت منها تصوير السيشندون العلم بأمر الأخرى، وهو ما عرضها لصدمة وحيرة من غرابة الموقف.
نقلًا عن موقع “هن”، تقول دنيا:
أول مرة في حياتي اتعرض لموقف غريب زي ده في حياتي.. كنت محتاجة أعمل سيشن لكابل، فطلبت في بوست على “فيسبوك” أنه لو في بنت مهتمة تبعتلي صورتها هي وخطيبها أو اللي مرتبطة بيه علشان أصورهم..
وتابعت: لاقيت بنت بعتتلي صورتها هي والشاب اللي مرتبطة بيه وشكلهم في العشرينات، وبعدها اتفاجئت ببنت تانية خالص بعتالي صورتها هي والولد اللي بتحبه.. واتفاجئت انه نفس الولد اللي في صورة البنت الأولانية.
واستكملت دنيا: أنا شوفت الصور ومبقتش مصدقة اتصدمت صدمة كبيرة، لدرجة إني روحت قافلة تليفوني لحد ما أعرف هعمل إيه.
واستطردت: بعد تفكير في الموضوع، قررت اني الغي السيشن مع البنتين، فكلمتهم وقولتلهم إني مش هصور.. لأني استغربت موقف الولد جدًا وحطيت نفسي مكانهم وصدمتهم هتكون عاملة إزاي لو اكتشفوا ده، وبصراحة محبتش إن ده يحصل عن طريقي خصوصًا ان البنتين نفسهم يفرحوا أكيد..
تابع الشرقية توداي على جوجل نيوز 
