عليكى الدم كان محروق
تحريرك كان اقصى الطموح
عاوزين نشوفك وب كل وضوح
انتى و اللى فيكى مرتاحين الروح …
ي سيناء ي بلد العبور
كنا ف عز الصيام بس زى النسور
اللى ولا شيئ بيهمها وبيخليها
تنكسر …والعزيمة ! كانت ف اقصى الحضور ……
تعرفى ي بلدى وبلد كل مصرى ؟
إننا كنا على اعصابنا ف كل دقيقه و ف كل ثانية !
وكل واحد بيقول ليكى انا قد وعدى
وإن روحه عمرها ما كانت منهم خايفه ! ….
إنتى فكرك ؟ ايه ؟
هنسيبك ل الضرر
كل عدو كان بياكل من أرضك علمناه معنى الخطر
وخدنا حقك من كل اللى كان فاكر إنه القدر
وإنه هيجعل الليل عليكى والقمر
دائم على طول ……
وأدينا انتصرنا و حررنا أرض الفيروز
وبقى كل شبر فيكى ليكى ! محفوظ !
و كل خير رجع بعد ما كان منبوذ
وتاريخك هينكتب من دمنا منقول ….
الف رحمة ونور عليك ي شهيد
هو ده ي بلدى اللى إنتقم من كل ظالم عتيد
وما كان خايف شايل سلاحه و وسط العدو وحيد
ولا كان جبان …
الف رحمة ونور على كل واحد
كان ليكى عالنصر واعد
وعليكى كان شاهد
إنك جمعتى ولادك من شرقك وغربك
ومن بره حدودك كمان …
ي سيناء كلمة واحده …..
شوفنا عشانك الهوان !
بس والله كل ما افتكر اليوم ده اللى كان زى النهارده
بكون فرحان!
مقالات القراء تعبر عن صاحبها ولا تعبر بالضرورة عن وجهة نظر الشرقية توداي
تابع الشرقية توداي على جوجل نيوز 
