كتبت | هدير هشام
المطبخ هو أهم أركان المنزل الضرورية لأننا نحن الفتيات نقضي معظم وقتنا فيه، لذلك يجب علينا أن نفكر جيدًا في احتياجاتنا قبل أن نقوم بشراء ما لم نستخدمه، فقومي بالبحث عند الشراء عن الأساسيات التي لا يمكنك الاستغناء عنها.
فكثيرًا ما تهتم الزوجة الشابة تحديدًا بسبب قلة خبرتها لمعرفة الأدوات الضرورية التي في حاجة إلى شرائها ومعرفة بعض المهارات الآخرى اللازمة لاستعمالها لتقديم أطباق شهية وللتغلب على أي أخطاء أو مشكلات في الطعام.
فهناك مجموعة من أدوات التي تعد الأساسية ولا يمكن الاستغناء عنها بأي شكل من الأشكال، وقد جمعنها لك من مطبخ «وفاء عز الدين» Fashion & Lifestyle Blogger تعرفي عليها ولا تنسي أن تخبرينا رأيك.
المطبخ
يعد مطبخ الالوميتال من أهم أنواع المطابخ التي يكثر استخدامها في العديد من المنازل، لذلك عليك أن تختاري أفضل الأنواع والألوان التي تناسبك لكي يبقى معك لأطول وقت ويكون عمليًا عند الاستخدام، وفضلت بلوجر «وفاء عز الدين» نوع الالوميتال الفايبر نظرًا لجودة الحسنة.
البوتجاز
عند شراء البوتجاز يجب أن تختاري النوع الذي يناسب منزلك ومساحته.
الأواني والأدوات المنزلية
فعند شراء أواني الطهي يجب أن تبحثي عن الأشياء التي ستحتاجينها دائما في الطهي، فاختاري حجم الأواني حسب عدد أسرتك وعدد الأواني حسب عدد الأصناف في الطبخة الواحدة، فيمنك شراء طقم الاستانلس لسلق الأطعمة وطقم أخر كالسيراميك أو الجرانيت.
الخلاط
تحتاج ست البيت في مطبخها العديد من المستلزمات ومنها الخلاط فهو يعد من الأدوات التي لا غنى عنها في المنزل فيجب عليك عند شراء الخلاط الكهربائي أن تعرفي أجود الأنواع حتى يوفر عليك الكثير من الوقت والمال.
الكاسات والكوبيات
في يومنا هذا نلاحظ الكثير من الفتيات تقوم بشراء عدد كبير من الكاسات والكوبيات بأسعار مرتفعة جدًا برغم عدم حاجتها لكل هذه الأدوات الثمينة، لذلك عليك عند شراء هذه الأشياء أن تختاري مايلزمك فقط .
الطاسات
يجب عليك عند شراء الطاسات أن تشتري ماستقومي باستخدامه، حيث فضلت وفاء عز الدين نوعين وهما السيراميك والجرانيت.
View this post on Instagram
?صباح الخيرات ??بوست المطبخ الجزء الاول هو كذا جزء ??بصوا اولا بقي لازم تعرفوا ان سواء المطبخ صغير او كبير تقدروا تخلوه احلي مطبخ بالدنيا بالترتيب و التنظيم و الاختيارات الصح انا هقولكم نصائح كثير و يارب ان شاء الله تستفيدوا منها ١-?? انا مطبخي الومنتال بس مش الومنتال عادي اسمه فايبر و القوايم ps و ده بالظبط شبه الاكريلك ميختلفش عنه حاجة طيب الالوان ايه انا عاملاه اوف وايت و درجة كده خشبي و مش بخاف يتوسخ لاني كل يوم بجيب فوطة قطن و عاملة خليط كدا من كذا منظف بديه مسحة بسيطة و ده اللي المفروض يحصل مع اي مطبخ عشان الاوساخ متتراكمش ٢- ??البوتجاز انا جايبة العادي مش ال built in لان مطبخي صغير شوية و كمان كان سعره البيلت ان غالي جدا جيباه اسمه زانوسي الامان الكامل ٤ عيون تحفة تحفة ٣- ??الحلل بلاش كمية الحاجات اللي ملهاش لازمة يعني مثلا ممكن حلة ستانلس للسلق و طقم سيراميك او جرانيت احسن نوع للستانلس بدون منازع هو و الجرانيت كوركماز ده محل تركي موجود في سموحة في اسكندرية و مش عارفة مكانه في القاهرة و السيراميك النيوفلام الكوري في مشكلة ناس السيراميك بيبقي معاها تحفة و ناس لا حسب طريقة الاستخدام يا جماعة والله هبقي انزلكم بوست عنه ٤- ??بالنسبة للخلاط انا جايبة مونيلكس و جايبة هاند بليندر كوركماز و صراحة احسن من الخلاط مليون مرة هتعملوا بيها كل حاجة حتي اللي عنذه اطفال يقدر يحضر بيها الاكل تبعه ٥-??بالنسبة للسؤال اللي بتسأله كثير عن طقم الصيني انا محبتش صيني انا جايبة طقمين عشا واحد بستخدمه و واحد شايلاه للضيوف العدد بيبقي حوالي ٤٠-٥٠ قطعة بيبقي ٦ من كل شيء طيب افرض عدد الضيوف كبير عاذي هاتوا طقمين شبه بعض انا جيباهم من محل اسمه هابي هوم في الابراهيمية ٦-الكوبايات و الحاجات دي بلاش الكميات الغريبة اللي بشوفها ديً طقمين طقم شاي و طقم عصير و شكرا ٧- الطاسات انا جايبة سيراميك و جرانيت برضه و جايبة واحدة الومونيوم بغطاء للقلي من محل اسمه الاهرام ٨- في حاجة لازم انبهكم عليها ان حاطة الغسالة في المطبخ ف خليته بقي بدل ما تبان يعملي ليها تغطية يعني بتتفتح زي الدولاب و تتقفل تاني عشان المنظر كله يكون جميل خلصنا اول جزء افتكري ان المطبخ ده و انتي داخلاه عشان تحبيه انك هتاخذي ثواب ان شاء الله اي حد تعمليله اكل و هوني علي نفسك بالهيد فون و انتي بتشتغلي و انك لما تطلعي تحطي كريم ايدك المفضل عشان تفضل ايدك جميلة و دي ادواتي الجميلة فرشاة غسيل اطباق و سمعاتي و كريمي و التابلوه ده عشان لما اشوفه و انا داخلة اضحك??
نصائح بلوجر وفاء عز الدين في المطبخ
-يعد ترتيب المطبخ من المهام الأولية على رأس جميع أعمالك المنزلية التي لا يتم إنجازها ابداً، حتى لا تضعي نفسك في مأزق الكركبة إبدئي بالتخلص من الأشياء التي تشغل حيز كبير دون الاستفادة منها.
كما يمكنك أن تقومي بإحضار دولاب صغير إذا كانت مساحة مطبخك لا تكفي لكل الأشياء التي تضعيها به، ويعد كأحد الحلول العملية في توفير أكبر مساحة لتخزين المأكولات والمعلبات في مكان واحد.
-يجب عليك عند شراء أطقم التوزيع لابد أن تكون سيليكون لكي تحافظي على أواني الطهي كالتيفال أو السيراميك والجرانيت، وطقم توزيع عادي استانلس.
– كما يفضل حوض الاستانلس الجزئين سيساعد كثيرًا في مطبخك، قومي بتقسيم الجزء المتواجد تحت الحوض للمنظفات لكي يكون منظم دايمًا.
-قومي بإحضار برطمانات لكي تقومي بتخزين بها المكرونات والأرز، بدلاً من الأكياس وقومي بوضع على كل برطمان تاريخ الانتهاء.
– قومي بشراء مفارش لتضعيها في الأدراج واختاري الفوط التي تستخدميها في مطبخك من القطن ١٠٠٪، ولابد من توفير فوطة لتنشيف الأدوات حتى لا تسبب رائحة أو علامات على الآواني.
View this post on Instagram
?صباح الورد بوست المطبخ الجزء التاني ?? ٩- انا مش بحب ابدا الكركبة علي الرخامة و الزحمة عشان كده جبت البيت الصغنون ده حطيت فيه المجات و الملاحات و الشوك العصافير و الكاسين الفوشيا الصغننين دول كاسات بيض يعني بيتحط فيها البيضة المسلوقة اثناء التقديم ?? ١٠-الرخام انا عاملة جرانيت بس نوع كويس و بصوا الرخام المحلات بتخم اوي انزلوا انتم شوفوا في مكان كده الاسعار ب ربع تمن المحلات هعرفه من عماد و اقولكم عليه كان نفسي طبعا اعمل اللي هي بتبقي ابيض بس دي حتي جملتها و ان المطبخ صغنن كانت هتبقي ١٠ الاف هاا لوحدها ف قولت خلاص هعمل العادي و انا بقي اخليها حلوة ب ترتيبي ١١-تاني بلاش الحاجات الكثير اللي علي الرخامة عشان المنظر يبقي شيك و بصوا انا جايبة البراد و الكنك كوركماز برضه ١٢- اطقم التوزيع لازم تجيبوا سيليكون عشان متجرحش الحلل اسمه الاندلس احسن نوع من المنشية من سنتر اسمه كرم او من باكوس و طقم عادي للحلل الاستانلس ١٣-الحوض يبقي استانلس طبعا و لو قدرته تجيبوا اللي بيبقي جزئين احسن كثير من جزء واحد ١٤-الجزء اللي تحت الحوض قسموه للمنظفات عشان يبقي منظمم و ساهل ١٥-في زي اسطوانة كده انا جيباها من ايكيا بحط فيها ورق الفويل و اكياس الثلاجة و مفارش السفرة البلاستيك و بيتحط فيها برضه الاكياس عشان تسحبي منها ب شكل منظم ١٦-بالنسبة للمكرونات و الرز انا جايبة برطمانات تحفة و بحطها فيهم عشان المنظر و بكره الاكياس الكثير و بكتب علي لابل صغنن كده و احطه علي البرطمان تاريخ الانتهاء عشان منساش ١٨-لازم يتفرش مفارش جوه الادراج عشان لاقدر الله اي حاجة تقع متبهدلش الادراج اسمها مفارش بلاستيك من كارفور او فتح الله المتر ب ٨ جنيه و في نوع تاني المتر ب ١٤ مش فارقة كثير ١٩-فوط المطبخ لازم تكون قطن ١٠٠٪ لازم نخلي فوطة منهم لتنشيف الحاجة اوعوا تدخلوا الحاجة مبلولة بجد لازم تتنشف كويس كمان عشان اولا المياه بتعمل رائحة ثانيا هتسبب علامات علي الحاجة ?نكمل المرة الجاية حبايبي? ?ربنا يكرمكم كلكم و تبقوا بيوتكم احلي بيوت في الدنيا و اهم دعاء ( اللهم بارك اي بيت )البركة لما بتحل علي البيت بيبقي احلي شيء في الدنيا بحبكم ??
اقرأ أيضًا
أساسيات ينبغي تواجدها في حقيبتك من البلوجر وفاء عز الدين
نصائح ذهبية لاختيار إطلالتك الجامعية من وفاء عز الدين
تابع الشرقية توداي على جوجل نيوز 
