قلمى بيصرخ وينادى
يا بلادى فوقى يا بلادى
فوقى من وهم الخوف
وهم الضعف وهم الكسل
والزيف .
قدامك شايفه نهارك وعنيكى
مكسوره من حالك
جواكى بتبكى وبتدارى
على نفسك ولحد مادارى
مش عارفه ليه يا بلادى بشوفك
فى نهاية الوادى وردة بتصحصح
لسه والسهم فى قلبها مطعون
وبشوفك اوقات بتنادى ع حد يجيرك
م العادى وتلاقى الصدى يوصلك
ويرد يقولك تعبان.
حقيقى اتمنيت اشوفك عروسة
بفستان ابيض جواه صافى بالحنان
وفى لحظة دورت كمان على اسمك
جوه الأنسان ولقيتك جوايا بعيده
عنى وعن قلبى شريده
مش عارفه ليه يا بلادى ببكى
وعليكى مش دارى مش عارفه
ليه يا بلادى بدارى خوفى م الزمن
لا يجى عليكى وينادى ويقول بلاد
راحت سوده بلاد ميته بلاد ما قدمت شئ
للحياة.
خايفه بجد وعليكى قلبى انفطر
نفسى القاكى جوايا شمس بتطل
ع قلب البشر نفسى القاكى
خضره بتنور صحرا جرداء بتشوف
الأمل وبتبعد عن الأشلاء
خايفه ليجى بكره عليكى يا بلادى واطل
القى نفسى جواكى سراب
سراب بيتكلم مش قادر يتعلم
ان الحق هو الكتاب .
خايفه ليكون بجد سراب بعد
ما بقى الخير تحت التراب
يا ترى هالقاكى ع صورة والأ
هالقاكى مكسورة مش قادرة اقولك
ليه انك منثورة .
سامحينى يا بلادى من لومى ليكى وعتابى
وسامحينى يا بلادى علشان فى لحظة فقدت
انتمائى وبجد مش عارفة هاتيجى
تانى لحظة وارجع فيها من تانى
بس كل اللى عايزه اقوله انك بلادى
سواء كنتى سراب او حتى تراب
او كنتى جواب لكلمه قلتها
فأنتى بردك بلادى ولازم احبها
تابع الشرقية توداي على جوجل نيوز 
