يعني ايه اول مرتب
حاسسها ازاي يعني اول مرتب تفتكر محتاجه نعملها مقاله بتقبض كام يعني بس المهم انك بتقبض ميهمكش فرحتك عامله ازاي وانت مروح البيت وفايديك فلوسك تعبك مجهودك اشتغلت زي باقي الرجاله ما بتشتغل ومحدش يزعل من الستات لانها برده دلوقت بتشتغل
داخل البيت ومعايا اول مرتب بتصل بخطبتي او صحابي اقولهم انا قبضت عايزين نخرج ونعمل اللي متعملش رغم ان ممكن الفلوس متكفيش بس هنخرج وهنتفسح يلا انا جاي اروح اخد دش وانزل اخلص نص المرتب علي الاكل اجيب شوية شيبسيات علي شوية حاجات ساقعه واشحن كارت بخمسين زي باقي رجال الاعمال اللي مبشفش شكله الكارت ده الا فمحل الاتصالات وانا رايح اشتري واحد من ابو عشره اول مرتب يعني يحسسك انك بني ادم معاك فلوسك محدش يقولك عليك ليا فلوس وتسكتله لا ده انت هتطلع من جيبك وترزعه اللي استلفته منه ايام الزنقه وممكن تعزم عليه بشاي كمان
مشكلتنا البطاله عشان كده مش هيحس بيا غير الرجاله اللي بجد الشباب اللي موجوده هنا يمكن انا مش راجل بس الحقيقه ان انا حاولت اقرا وافهم واعرف ليه الولاد تعبانين من قلة الشغل لان ببساطه الرجال قوامون علي النساء فكل حاجه تخيل الست لما بتلاقي وقت فاضي ده ان لقت بتعمل ايه لكن الراجل لما يلاقي وقت فاضي ممكن يعاكس يشرب سجاير يسرق ينحرف يعمل ويسوي المجتمع ممكن يطلعه غلطان بس الحقيقه ان الراجل لو اشتغل بجد وقبض اول مرتب هيحس بقيمته هيحس ان تعبه وشقاه جاب نتيجة مش مهم كام ولا بيشتغل ايه اكيد مش حابين انهم كلهم يكونوا طيارين بس الاهم انهم يشتغلوا بجد يتقن في عمله ويكون مسئول عن تصرفاته وفي ناس مسئولين منه ميلاقيش وقت الا للصلاة والشغل والصحبه الصالحه عشان المجتمع يكون منضبط لازم ناخد بالنا ان شبابنا فمشكله وهي الفراغ والمشكله دي هتتحل بالعمل والشغل ونتيجتها هتكون المرتب يحوشه او يصرفه هو حر بس يشتغل وميقعدش فى البيت زيه زي البنات لان البنات اساسها حياة وتربيه لكن الراجل اساسه عمل وحمايه وقوام مجتمع كله لازم يتشكل صح وبشكل سليم مع اول مرتب .
بقلم :ايمان سالم محمد
تابع الشرقية توداي على جوجل نيوز 
