انت موبينيل وانا فودافون … إذاً لن نلتقي !!!
في ظل التطور الطبيعي للتكنولوجيا في العالم ، إلا أنها لم تصل لحل الأزمة الطائفية والعصبية بين فودافون وموبينيل
والغريب ان المشكلة ليست فى الشركات ولكنها فى العملاء
اذا كنت من عملاء موبينيل
تري انك تميل الي الارقام الزوجية ولديك ارتياح شديد مع رقم 2
وانسجام رائع مع اللون البرتقالي الزاهي
واذا كنت من عملاء فودافون
تري انك تميل الي الارقام الفردية ولديك ارتياح شديد مع رقم 10
وانسجام رائع مع اللون الأحمر الخلاب
ولكل من هولاء العملاء نظرة في الآخر
فعملاء موبينيل يقولون
اييييييييه ده 010 وكمان بتقولها فى وشي
ايه الارقام الرخمه دي و 019
ولون احمر ومش عارف ايه … تحس برخامه كدا ورزاله
ياعم انتو طايقينها ازاي
واحمر لون دم وقتم كدا
وتحس بخدمه عملاء غريبة
وارقام الخدمات عندكم صعبه مش بتتحفظ
تؤتؤتؤتؤ بلا فودافون بلا بتاع
يا عم هاتلك خط موبينيل
حتي احنا الأصلي واسمنا فيه النيل
وكارت الشحن بتاعنا عليه اهرامات واصاله وبنحب مصر وكدا
وعلى الصعيد الآخر يقول عمولاء فودافون
وبتقولها فى وشي 012
اتناااااااااااااشر
يععععععععع
وايه اللون البرتقالي ده تحس انه كدا بينرفز الواحد
وبعدين ارقامكم غريبة كدا ولا اكنكم مخترعينها
اما فوداااااااافون
عروض رسايل كتير ودقايق وهدايا
غير الرسومات الجامده اللى على كروت الشحن
عذراً فلنقف لدقائق ( مجانية ) هناااا
الفتنه الطائفية بين موبينيل وفودافون
هي بمثابة الإنطباع الأول الذي يأخذه كل منا علي الآخر
فقد نري كثير من الأشخاص في حياتنا وقبل التوغل في معرفة أسمهائهم
يولد لدينا يقين تام اتجاههم ( بالرخامه والتلامه والرزاله والغلاسه )
والغريب اننا لا نعرف عنهم الكثير ولا القليل
و الشعور الذي ذكرته بين القوسين ناتج عن رد فعل معين
او عن ابتسامه معينه او عن حركه بعينها
ونقوم أيضاً بإلقاء هذا الشعور عليهم نتيجه تصنيف مسبق فى اذاهننا
فدعوة لكل العملاء أيً كانت ( نوع شريحتك )ي
توغل فى شخصية من أمامك اولاً
اعرف عنه الكثير من العروض والصلحيات والكثير من الامور والصفات
وتعرف ايضاً علي ثمن الدقيقة لديه وثمن الثانية حتي لا نحكم عليه من أول ثانية
ولا تبخل ايضاً بالسؤال على خدمه الانترنت حتي نتعرف اكثر عن العلاقات البشرية لدية وهل هو اجتماعي او انطوائي
وفي النهايه … تعرف
هو 012 ولااااااااااا 010
ومين بيسلف التاني اكثر … بيسلف 3 ولا 9 ؟؟
اظن الاجابه بعد التوغل فى الشخصيات وعدم الاعتماد علي الانطباع الأول فقط ( هتفرق كتييييير )ي
ومن هنا أقول : لمن أختلف معه فى الشريحة … سنتلقي قريباً فى ظل تنوع الشبكات والخطوط والأرقام والألوان
ملحوظه || الإنطباع الأول شئ مهم فهو عنوان لشخصك فلنحسن التشكيل والتنوين والهمزات لهذا العنوان
تابع الشرقية توداي على جوجل نيوز 
