أخبار العالم

“أنا صايم يا فاطرة”.. هجوم حاد على تامر عاشور بسبب تعليقه على صورته مع طفلة مريضة بالسرطان

تامر عاشور
تامر عاشور

نشر المطرب تامر عاشور صورة له عبر صفحته الرسمية على موقع التواصل الاجتماعي “فيس بوك” من أحد مستشفيات أورام الأطفال برفقة طفلة مريضة، وعلق عليها مازحا: “لا خدي انتي انا صايم يا فاطره بحبك”.

هذه الصورة أثارت جدلا واسعا على السوشيال ميديا، حيث رفض عدد من المتابعين طريقة تعليقه على صورة الطفلة المرضية، واصفين التعليق بالمذل للطفلة، وقال حساب باسم “محمد”: “علي فكرة حرام المكتوب فوق علي الصورة ده، هو المرض مش مجال للهزار، وهي أو هو مش فاطر أو فاطرة بمزاجها لأنهم بيأخدوا علاج وبيتسحب منهم عينات تحاليل، هزر في أي بوست غير البوست ده، مالوش داعي الهزار والضحك يعني في البوست ده !!!”.

وعلق حساب باسم “سوفا بكري”: “أنا عارفة نيتك أنها كويسة ومتقصدش حاجة طبعا بس ياعيني هي ممكن تاخد ع خاطرها أنها يا حبيبتي كان نفسها تصوم طبعا ف حتي لو اتقالها الكلام ده بهزار ممكن من جواها تكون زعلانة، ياعيني عشان احنا مرينا بحاجة زي كده ربنا يشفي كل مريض يارب يارب، بحق الأيام المفترجة ويكرمك”.

وقالت “منة سعيد”: “مش عارفه ازاي في مجال للهزار في الحاجات دي والله!!” وعلقت “خلود محمود”: “ماتهزرش تاني يفنان مش هنموت من النكد هنموت من سخافتك”، وتركت “الشيماء أحمد” تعليق قالت فيه: “مفيش مجال للضحك ابدا يا صايم، لاحول ولا قوة إلا بالله العلي العظيم بجد”.

بينما علق عدد من الجمهور على الأسلوب الفكاهي الذي ظهر فيه “تامر عاشور” في منشوره والذي يناقض الشكل الدرامي الحزين الذي اعتاد عليه الجمهور في أغانيه، حيث قالت “ندى حسن”: “مشاء الله م انت بتضحگ اهو امال بتغمنا هنا لي”، وعلقت “آلاء زكريا”: “ما انت روشه اهو وبتهزر امال منكده علينا ليه” وقال “ميدو مجدي”: “يا اخى مش لايق عليك الكوميديا .. انت مهمتك تنكد علينا وبس”.

وقالت “سهى البحيري”: “لا إله إلا الله مالك فى ايه بتضحك ليه بس يا تامر وحد الله لاحول ولا قوة الا بالله”، وعلق “مصطفى راشد”: “انت حلو وبتضحك اهو مش لازم بقي نقطع شرايين أبونا بسببك”.

من ناحية أخرى، غنى تامر عاشور تتر مسلسل “ولاد ناس” الذي يعرض حاليًا ضمن الموسم الدرامي في رمضان، والأغنية كلمات دعاء عبدالوهاب وألحان تامر عاشور وتوزيع طارق مدكور.

أحمد سمير

أحمد سمير حاصل على بكالوريوس إعلام جامعة الأزهر .. أعمل بمجال الصحافة منذ عام 2015 .. عملت في موقع الشرقية توداي كاتب صحفي .. وصحفي فيديو .. وحاليا محرر صحفي .. عاشق للتصوير والمونتاج والإخراج
زر الذهاب إلى الأعلى