حمل الداعية الإسلامي وجدي غنيم، الرئيس محمد مرسي مسؤولية عودة «أمن الدولة لممارساته»، مضيفاً: «الموضوع ده في رقبتك يا ملتح يا حافظ القرآن».
وقال «غنيم» في فيديو نشره، الخميس، على حسابه بموقع «يوتيوب» تحت عنوان: «هل ستعود أمن الدولة من جديد.. حسبنا الله ونعم الوكيل»: «صُدمت وإحنا في عهد مرسي، اللي عانى زينا من رجوع أمن الدولة، وإنهم بدأوا يستدعوا الأخوة، دي في رقبة الرئيس مرسي، مفيش حاجة اسمها يرجع العهد اللي فات، مفيش حاجة اسمها الكهرباء والدخول على السيدات في نصف الليل ترجع تاني».
وأضاف: «اللي جاي أسوأ وأصعب، إن لم نقف جميعاً ضد الفساد، أمن الدولة عايزين إيه تاني؟ ياما قبضوا علينا ياما دخلونا السجون، وإن لم يتوبوا فلهم عذاب جهنم والحريق».
وتابع: «هيستدعوا الأخوة تاني، وفي عهد مرسي، يبقى إحنا عايزين وقفة تانية خالص لمنع عودتهم، المفروض يكون فيه قانون علشان نعرف وضع الأمن الوطني في الدولة؟».
واستكمل الداعية الإسلامي: «أمن الدولة سايب الوطن خربان ومش هييجي غير على الأخوة، المفروض يطلع قانون من مجلس الشورى يقولنا إيه علاقة الأمن الوطني بالناس؟ بيستدعينا ليه؟ أيه حدوده معانا؟ ورب الكعبة إن لم نقص ذيول أمن الدولة، هيقصونا، حذاري من رجوع المجرمين، أي حد من الأمن الوطني يستدعيه لازم يبلغ، وأنا بقول للرئيس مرسي أهو الموضوع في رقبتك».
المصدر
تابع الشرقية توداي على جوجل نيوز 
