اجرت الحوار ايمان سالم محمد
اولا كيف وجدت موهبة الكتابه في حياتك وبرزت في اي عام ؟
برزت موهبتي في الكتابة في عام الفيل : )) بهزر طبعا ولا اقصد اي اهانة طبعا لعام مولد النبي. الموهبة لا برزت ولا حاجة انا غلبان جدا بس في طريقة علمية اعرفها لاكتشاف اذا كان عندك موهبة في مجال ولا لأ وهي التجرية. جرب في الموسيقي وفي الرياضة وفي الكتابة وعلي رأي احمد مكي “دور بنفسك جوه نفسك”.
كيف ربطت بين العمل السينمائي وكونك مهندس معماري؟
لا يوجد ربط علي الاطلاق بين الكتابة والعمارة. لكن التخطيط الرباني افضل ميت مره من تخطيطي فأنا لو كنت درست الكتابة دراسة اكاديمية كان زماني بقيت مهندس دلوقتي. كان ممكن منجحش واسيب المجال لان الدراسة الاكاديمية في مصر بالذات بتكرهك في الي بتدرسه.
فكرة وجود الكتابه النظيفه في السينما المصريه فكرة ليست بالدارجه فكيف توصلت الي نوعية افلامك وايضا هل خرجت بنفس تصورك ام وجدت عقبات احالت هذا الموضوع؟
انا دايما اعترض علي مصطلح السينما النظيفة. ليه؟ لأنه مصطلح استعدائي لأن الي بيقول علي نفسه بيعمل سينما نظيفة يبقي بيقول علي الآخرين بيعملو سينما غير نظيفة “قذرة”. وأنا عامة ضد التصنيف والقولبة. طبعا احب السينما تكون عواملها مكتملة يعني يكون فيها امتاع ورسالة لكني احب الناس هي الي تحكم بدون ان انسب لنفسي ألقاب.
فن السيناريو لابد فيه من القراءة بجانب الموهبة. مقولتش الدراسة الأكاديمة بس قولت القراءة. لازم الواحد يعلم نفسه. السيناريو زيه زي العمارة فن وعلم والاتنين متلازمين بقوة ولا يمكن ابدا الاستغناء عن واحد منهم.
هل تري ان الموهبه وحدها تكفي لصناعه كاتب سيناريست ام لابد من الدراسه احيانا ما هي طموحاتك واحلامك في عالم السينما بمجالك ؟
؟؟؟
طموحاتي في السينما اني اترك بصمة سينمائية في مصر وعالميا . وهاتجه للاخراج الفتره الجاية بعد مادرست اخراج. ونفسي اقدر فعلا اعمل ورشة لتعليم الناس فنون السينما انقل بيها مع ناس كتير نفسها تفيد الناس الي نعرفه عن السينما بحيث نكون سلمة لنهضة السينما.
عسل أسود هو اول فيلم اكتبه في حياتي حتي قبل ان اشارك في فيلم الف مبروك وله معزة خاصة عندي وأظن عند الناس والحمدلله انه اتعمل ٢٠١٠ لانه لو كان اتأخر سنة كمان مكانش اتعمل. فيلم بلبل حيران تم مقارنته بعسل اسود وده ظلم كبير لاي فيلم انه يتقارن بفيلم تاني فعسل اسود سياسي به بلاك كوميدي و بلبل حيران اجتماعي كوميدي.
انا اقيم اي شئ تبعا للنتائج ونتائح البرلمان صفر حتي الآن ولو هاعبر عنه بكلمة واحدة هاتكون “خذلان”.
سارشح باذن الله د عبد المنعم ابو الفتوح. سياسي ثائر قال الحق في وجه سلطان جائر معتدل وعنده مشروع حقيقي لنهضة
اجرى الحوار : أيمان سالم محمد
تابع الشرقية توداي على جوجل نيوز 
