عم محمود بياع فول يقف عند باب المدرسة كل التلاميذ تشتري منه أصل مافيش غيرة في يوم سمعنا صريخ وبكاء في المدرسة دخلت قولت أشوف في ايه لاقيت التلاميذ ماسكة بطنها وبصوت واحد بتصرخ من الألم وبسرعة بعد ساعة أو يجي ساعتان وصلت عربية الإسعاف وبدأت تشيل في العيال وتكومهم جوه العربية ولاقيت عسكري ماسك عم محمود بتاع الفول وعمال يضربة علي قفاه والبلد اتقلبت وشفنا فيها بدل ونجوم علي الأكتاف ماتتشاف والأهلي أتجمعت وصوبت وعليل ونباح والكل مشعارف في ايه وايه السبب والكل جري وري الإسعاف ورحت ناس علي النيابة تشوف في ايه وبداء البيه وكيل النيابة يحقق مع عم محمود بتاع الفول سعتها عرفة أن سندوتش عم محمود بتاع الفول هو سبب مايجري في بطون الأطفال
سأل البيه المحقق
س : أسمك وسنك وعنوانك ؟
ج : محمود ابن معلوم 50 سنة من البلد دي
س : أنت عارف أن السندوتش بتاع الفول عمل تسمم للتلاميذ ؟
ج : والله يا بيه معرفش محصلش
س : الطب الشرعي قال ان الفول غير صالح للاستعمال الآدمي ؟
ج : يا بيه ما الشعب كله بياكل فول يعني الشعب كله مش أدمي
المحقق بصوت عالي انت هتغلط لم لسانك وجاوب علي قد السؤال
عم محمود حاضر يا بيه
س : أنت بتشتري الفول منين ؟
ج : من تاجر كبير يا بيه
وفضل وكيل النيابة يسأل وعم محمود يجاوب
وأنتهي التحقيق علي أن عم محمود كان يشتري الفول من تاجر كبير والتاجر الكبير كان بيشتري الفول من الفلاحين والفلاحين بيشترو تقاوي الفول من الجمعية الزرعية والجمعية الزرعية جابيه الفول من الوزارة والسيد وزير الزرعة مستورد الفول من الخارج
بأوامر من رئيس الوزراء والسيد رئيس الوزراء أخد أومر من الكبير وفي النهاية طلع الكبير يخطب ويقول انا منكم وعايش في خيركم وركبت فوق كتاف بعيركم هعيش وأموت بينكم وطبعا سقفت المسقفون وكتب الكاتبون يحا الكبير يعيش الكبير ويموت كل طفل صغير أكل من فول عم محمود .
وتم حبس عم محمود لان الطريقة الى كان بيعمل بها الفول هي السبب في التسمم
لك الله يا مصر
منصور عبد المنعم
تابع الشرقية توداي على جوجل نيوز 
