في رسالة مباشرة قام الناشط السياسي وائل غنيم , بنشر فيديو علي صفحته الرسمية بموقع التواصل الاجتماعي فيس بوك , الرساله موجهة بشكل مباشر لرئيس الجمهورية محمد مرسي يطالبه فيها بالاستقاله من منصبه .
شرح الناشط السياسي ظروف انتخابه للرئيس من خلال هذه الرساله المسجلة بالصوت والصورة , قائلا :
كنت أتمنى إني أخرج النهاردة بعد مرور سنة على انتخاب د.مرسي وأنا باشكره على اللي عمله لمصر، لكن وللأسف المشهد المصري دلوقتي بقى شديد الخطورة، وكل الأطراف متحفزة ضد بعض، وأي واحد بيحب البلد دي لازم يكون قلقان من اللي بيحصل، لأن الصراع الحالي أيا كان المنتصر فيه فمصر هتخسر، وعشان كده ضروري إن رئيس الجمهورية يقدم نموذج للمصري الوطني المخلص اللي بيحرص إن مصلحة الوطن تبقى أكبر من مصلحته الشخصية أو مصلحة جماعته.
ووجه غنيم نداء للرئيس محمد مرسي ” قائلا :-
– يا د. مرسي كل صوت انتخبك معتقد أن “قوتنا في وحدتنا” إنت النهاردة خسرته
– كل صوت انتخبك مؤمن بأنك هتكون رئيسا لكل المصريين لا لأهلك وعشيرتك والمؤيدين لك إنت النهاردة خسرته.
– كل صوت انتخبك مؤمن إنك هتوفي بوعودك الانتخابية إنت النهاردة خسرته
– يا د. مرسي: مصر أكبر من أي تيار أو جماعة أو حزب وإنت أعلنت بنفسك يوم توليك الرئاسة أنه لا طاعة لنا عليك إن لم تف بتعهداتك وإنك لن تخون الله فينا.
– يا د. مرسي: أوقف الفتنة التي نحن على أعتابها لله وللوطن: وأعلن استقالتك قبل يوم 30 يونيو.
المصدر | الشرقية توداي
تابع الشرقية توداي على جوجل نيوز 
