بداية الكلام ده مش سخرية من المجلس العسكري نهائي
الكلام ده موجه للي شايفين ان البلد بدون ادارة المجلس العسكري هتكون مكشوفة و هتقع و هتنتشر الفوضى و اسرائيل هتدخل و الكلام الكبير قوي ده
بالنسبة لإدارة المجلس العسكري للبلاد
الي بان ان كل حاجه ممشيتش زي ما كنا متوقعين معاهم
مواعيد الانتخابات اللي حددوها زمان في جدول زمني
ان مجلس الشعب هيكون خلص في 9
و ادينا اهو زي ما انتو شايفين
رغم ان الانتخابات في مواعيدها
الا اننا مش مديين الامان من هنا لاخر الشارع ان الدنيا تمشي كويس و ربنا يستر
قال انتخابات الرئاسة في ديسيمبر شوية بقت ابريل و دلوقتي منتصف العام القادم
مفيش مرشح رئاسة الناس تبتدي تميل ليه الا و بعدها بيومين تسمع فضايح و اشاعات
ما علينا
الامن هيرجع بالكامل في شهر يونية 2011
و لحد دلوقتي الي يخرج بعد الساعه 11 ياخد باله قوي و في ناس بتعتبر السفر على الصحراوي او الزراعي انتحار
كل ده و كل المواعيد و الوعود الي اتخلفت مواعيدها مشككتناش فيه خالص
بس وجعتنا قوي المبادئ الفوق دستورية جدااا
يعني البلد مات فيها ناس و عيشنا ايام عيشة بدائية و كل واحد بيحمي نفسه
و الي ايده تطول حاجه ياخدها او يحميها انت و ضميرك بقى
و بعد كده يطلع عنينا في مجلس شعب
و نرجع تلاميذ و هنقعد نذاكر البرامج الانتخابية للمرشحين للرئاسة و دي اول مرة نتحط في الموقف ده مهما كان جيلنا
ده حتى الي جده عايش مش هيلاقي جده مر باليوم ده
و لازم نذاكر و نفهم كويس لان دي مسئولية و لاول مرة هنختار يا نااااااس
و الاخر ربنا يكرمنا برئيس جمهورية
و غير الخلافات و المناوشات من مؤدين مرشحين منجحوش
بس ما علينا
يجي الرئيس الي هيعاني و يشوف المر و يقول نشوف فلوس الناس و ميزانياتهم بتتصرف في ايه
هات الموازنة العاملة للنقاش
وشوفو موازنة الجيش و غير انه منتج اساسا مصانع و مزارع ” اللهم لا حسد يعني”
و يجي الرئيس المنتخب و مجلس الشعب الي طلع عنينا فيه
يقولو الميزانية اتصرفت في ايه
يقولو ” ملكش فيه “
يا راااااجل
مش وسعت شوية بقى
و انا مش بقول المجلس نيته وحشة لا سمح الله
انما ازاي يكون هو بيرعى الديموقراطية و هو بيزرع شجرة هتطلع ديكتاتور في الجنينه الي ورا
و مع ذلك
المجلس بيقول انه مش عايز السلطة رغم اننا مشوفناش ما يدل على كده و حسينا بيه قوي بس هنصدقة
و عرض انه يسيب السلطة
الناس الي طالعه تقول البلد من غير المجلس هتبقى فوضى و هتكون ضعيفة و و و و و و
يا جماعة الجيش لما هيسيب السلطة مش هنطلعه اعارة
لا هيفضل في مصر
يمارس دورة الي كان بيقولنا انا عايز ارجعله حفظ الوطن و حماية اراضيه
الفكرة كلها ان السلطة هتكون في ايد مجلس رئاسي مش اكتر
ولا هو المجلس مش هيخدم الوطن الا و هو في موقع السلطة
الي عايز يخدم الوطن هيخدمة حتى لو منصب عامل نظافة
الفكرة مش في المكان الفكرة هي انت نيتك ايه
مش معنى ان الناس رافضة حكم المجلس ان الصبح لو جبنا رئيس ولا اتشكل مجلس رئاسي هنقو ل المجلس لم هدومك و امشي
الفكرة ان المجلس هيكون دورة فعلا اقوى لو اشتغل في مكانة و في مكانه المناسب
لان لحد هنا البلد مهديتش و الوضع بيسوء و النوايا مبقتش صافية
فالي خايف من الفوضى نرجع نقوله تاني
المجلس مش هيطلع برة مصر و جشينا هيفضل هنا و هيرجع لشغله الطبيعي مش هياخد جمب و يمتنع عن الشغل لاننا خدنا السلطة منه
أصل مش معقول هنمشي بمبدأ فيها لأخفيها
ولااحنا هنطرده مثلا زي ما ناس خيالها وسع جدااا
انما كل واحد ليه مكان يعرف يشتغل فيه كويس لو غيره ممكن ميقدمش كل الصالح
و المثل بيقول صاحب بالين كداب
تابع الشرقية توداي على جوجل نيوز 
Unlike
لأن حضرتك بتتكلمى زى مايكون مش من البلد.
الأنتخبات لما اتأجلت فى البداية اتأجلت علشان الأحزاب الجديدة تنتشر على الساحة و الكل يعرفها ودا كان مطلب جميع القوى السياسية.
بالنسبة لأنتخبات الرئاسة هى اتأجلت من شهر 12 فعلا لحد شهر 6 بنأً على تأجيل الأنتخبات البرلمانية.
أختصاراً للكلام ان ممكن أحنا نعمل كل اللى احنا عاوزينوو بس بلأدب زى ما حضرتك عملتى قلتى رأيك وانا رديت علية.
و اللى يحصل بعد كدا اننا نشوف الأصح للبلد فى الفترة الحالية ونعملو.
اية المشكلة حضرتكو لما نخلص انتخبات البرلمان الأول و بعد كدا نشوف مصداقية الجيش او المجلس العسكرى.
المجلس العسكرى اللى حضرتك بتتكلمى علية دا لو مشى مش حنمشى ال 15 واحد وخلاص لا دا انتى حتخسرى تأميننات الجيش كلها لأن للأسف أفراد الجيش مبيخدوش أومرهم الا من الجيش.
يعنى ييلعبو هما الكل ياما محدش يلعب ويسيب أخووة.
فعلا فى حاجة غلط.
نضرب الشرطة و عوزين نقتحم الداخلية ونقول شهداء التحرير.
نعمل مظهرات فئوية ونقول زيادة مرتبات.
نعمل أضرابات ونقول مين اللى موقف عجلة الأنتاج.
نطلب تأجيل أنتخبات البرلمان ونقول العسكرى بيماطل.
بنصر على مجلس رئاسى مدنى دلوقتى وفاضل على ديمقراطية صندوق الأنتخابات يومين.
نقول مجلس عسكرى حرامى وهو الورقة الأخيرة.
نفبرك صور وأخبار من للأسف الطرفين ونصدق ونشير ونسخن بعض.
نعمل أعتصامات و الأقتصاد يتهز ونقول أقتصدنا بيقع.
نختار رئيس وزراء لأول مرة لوحدنا ونقول عليها طيب ومينفعش.
نفرح قوى بالجيش لما أستلم السلطة وقبض على مبارك ونقول علية خاين.
بنقول ديمقراطية ونفسنا فيها وأحنا للأسف للأسف مبنعرفش نسمع بعض.