روى محمد سيد ، زوج هبة الميوطى ،الشابه التى توفت إثر حقنها بمادة كاوية بالخطأ بأحد المستشفيات الخاصة تفاصيل الواقعة قائلاً، أن زوجته كانت تريد أن تنجب وذهبت لأحد المستشفيات لإجراء إشاعة بالصبغة،إلا أن الأطباء بالمستشفى قاموا بحقنها بمادة كاوية بالخطأ ، ولم نكتشف ذلك إلا بعد فترة طويلة بعد إجراء تحليل لبعض أجزاء المعدة.
وأضاف سيد ،فى حواره مع الإعلامى شريف عامر ببرنامج “يحدث فى مصر” عبر فضائية “ام بى سي مصر” ،اليوم الأربعاء،أنه حاول إنقاذ زوجته على مدار 19 يوماً لكن وظائف الجسم كانت تتوقف واحدة تلو الآخرى، لافتاً إلى أن إدارة المستشفى أصرت على استردادهم لنفقات العلاج مقابل حصولهم على الإيصال.
وتابع زوج هبة الميوطى ، قائلاً :”دخلت بزوجتى للمستشفى بحثاً عن طفل وخرجت بها جثه هامدة “،مطالباً وزير الصحة والنائب العام بالتحقيق فى واقعة وفاة زوجته بسبب الإهمال،مؤكداً أن الطبيب المهمل كان بإمكانه معالجة زوجته لكنه فضل صرفها من المستشفى تهرباً من المسئولية.
وكلف الدكتور عادل عدوي وزير الصحة والسكان، بناء على توجيهات المهندس إبراهيم محلب، رئيس الوزراء، بإجراء تحقيق شامل على وجه السرعة لمعرفة سبب وفاة هبة العيوطي، مريضة تم علاجها بأحد المستشفيات الخاصة بالمعادي.
وأشار وزير الصحة في تصريحات صحفية اليوم الأربعاء، إلى ضرورة تحديد الأسباب التي أدت إلى تدهور حالتها الصحية وما وصلت إليه ومعرفة المتسبب في ذلك إلى جانب تحويله إلى التحقيق من قبل لجنة آداب المهنة بالنقابة العامة للأطباء أو النيابة العامة.
المصدر
تابع الشرقية توداي على جوجل نيوز 
المستشفى هى النيل بدراوى على كورنيش المعادى
هذا هو الطب فى مصر واكثر من ذلك ولا يعلم احد عنه شيء . ؟؟؟؟؟؟؟؟؟؟؟؟؟؟ والله يرحمها
الموضوع بالتفصيل واسم المستشفى
هبه علاء العيوطي فتاه جميله جدا …. مهذبه …. متدينه …. كثيره الصلاه و قراءه القران …. لها وردها اليومي …. لم يختلف معها انسان في يوم من الايام …. محبوبه جدا ….. عندها ٢٥ سنه ذهبت لاجراء اشعه صبغه علي قناه فالوب ذهبت مع والدتها و تؤأمها الي مستشفي الموت ( النيل بدراوي )
مامتها سمعتها بتصرخ دخلت علي الاشعه… الدكتور قالها دي متشنجه كده مش عايزه حد يلمسها و خديها و روحي و لما تهدي هتيها …. و اديني الوصل و خدي فلوسك هي معملتش حاجه …. عند دخول الام رأت الحيواااااااااان بيشم برطمان و اول ما شاف الام زق الممرضه لكي تخرج بسرعه بالبرطمان …. رائحه الحجره كانت فجه
البنت تكاد تكون خرجت علي اديها و رجلها الممرضات سندوها علشان تخرج من المستشفي و الام اتلخمت في البنت و ادته الوصل فعلا
ساعتين في البيت و بطن البنت اتفخت و غابت عن الوعي نقلوها مستشفي النخيل دخلت العنايه و بالتحري و الكشف اكتشفوا الغشاء البريتوني محروق … ميه علي الرقه …. الامعاء رماضي شالوا منها ٨٠ سم …. لان الطبيب عديم الضمير و الانسانيه حقنها ٥ سم فورمالين بدلا من الصبغه …. و اتضح انه كان بيزق الممرضه علشان تخرج بالبرطمان بسرعه عندما شاهد الام بالحجره
يعني انت عرفت انك حقنتها ماده كاويه …. طيب طلعها العنايه و انقذ حياتها …. ربنا ينتقم منك في اعز ما ليك !!!! اعملها غسيل بأي شكل قبل ما الماده الكاويه تأكل في جسمها
بعد ما استأصلوا ٨٠ سم من الامعاء و بعد افاقتها من الغيبوبه الدكتور قال تاكل زبادي خالي الدسم …. دكاتره تانين بيموتوا في الفتي و احنا شعب أصلا لو مفتناش نموت ….قالوا لا … تأخد زبادو دي بقالها ١٠ ايام في العنايه يسندها شويه و هي اصلا ٥٠ كيلو …. اخدت الزبادو ترجيع ترجيع متواصل لمده اسبوع و بعدهاالخرطوم اللي خارج من مناخيرها اتملي حاجات خضرا …. قالوا الامعاء مسدوده لازم عمليه تانيه … دخلت تاني …. الامعاء كلها التصاقات و خراريج و المره دي الامعاء سودا …. .. و شالوا منها تاااااااااني ٦ ساعات في العمليات لدرجه الدكتور نقع الامعاء في بيتادين علشان يطهرها من الماده الكاويه اللي اتحقنت بيها …. خرجت البنت من العمليات يوم بعدها بطنها عامله تجيب صديد …
الدكاتره في مستشفي النخيل قالوا احنا عملنا كل اللي عندنا سافروا بيها بره يمكن يلاقولها علاج هناك
سافرت يوم السبت مع باباها و اخد الاطباء ألمانيا من غير ڤيزا بقرار من الرئاسه لخطوره الحاله …. و تركت هنا الام و الاخت و الزوج لينتهوا من اجراءات الڤيزا و يسافروا لها .
ثم فاضت روحها إلي بارئها بالأمس …. هبه رجعت النهارده الساعه ٩ في نعش …. صلاه الجنازه بكره في مصطفي محمود
الغريب ان ميتين أم ميثاق الشرف بتاع كليه الطب …. الدكاتره ميكتبوش تقارير في بعض …. و لا يعترفوا علي بعض
مستشفي النخيل رفضت ذكر النيل بدرواي في التقرير و رفض الاطباء كتابه ان الوفاه نتيجه الحقن بماده كاويه
اتعمل محضر و ممرضات و اطباء النيل بدرواي شهوا ان هبه مدخلتش المستشفي و مشفوهاش أنا بقي شايفه ان ده العار بعينه …. ده قله الشرف ذي ما ذكرت في جميع الاديان .
و طبعا لا داعي لذكر رأي الاطباء الالمان فيما حدث لهبه
معلش يا هبه يا حبيبتي الدنيا تقلت عليكي علشان تروحي لربنا خالصه مخلصه.
ربنا يا رب يثبتك عند السؤال و يجعلك بكره في عيد بلقاء ربنا …. ربنا يجعله اسعد الايام ….. ربنا يجعله يوم هنا و سرور ….. ( لما الرسول خيروه بين الدنيا و الأخره قال بل الرفيق الاعلي بل الرفيق الاعلي …. و انتي يا هبه اكيد اخترتي الرفيق الاعلي ) هو يا روحي أحن عليكي من عبيده …. ان شاء الله تلاقي عنده اللي مش موجود في الدنيا…. اصل يا هبه مكنش ينفع تعيشي وسطنا بالنقاء ده …. مينفعش في مجتمع كله كدب و غش و خداع … تحول فيه ملائكه الرحمه إلي ملائكه العذاااااااااب تفضلي معانا انتي احسن منا بكتيبيييييير
ربنا يلهم امك و اخوكي و اختك و ابوكي و زوجك و كل من عرفك و احبك الصبر و السلوان
وداعا يا أرق و اجمل و اصغر النساء