علّق الكاتب بلال فضل على منع قناتي «الحياة والمحور» من عرض مسلسل «أهل اسكندرية» من تأليفه في رمضان، «في تفاصيل جوا الحكاية بتزيدها خطورة، العمل بيدور في 2010 يعني أنا لا هاقدر انتقد ضابط شرطة لا دلوقتي ولا 2010 كمان»، وأضاف فضل: «طب ما نطلع مبارك وحبيب العادلي من السجن أمال الناس ثارت ليه بقى».
واستكمل فضل في مكالمة هاتفية لبرنامج «القاهرة اليوم» على قناة «اليوم»، مساء الأحد، «أنا ساكت بقالي فترة عشان الناس تاخد فرصة، عشان مايقولوش في مزايدات، وفي الآخر أنا عايز عملي يتعرض للنور من غير ضجة عشان الناس تحكم عليه فنيًا».
الجدير بالذكر أن قناتا «المحور» و«الحياة»، تراجعت عن عرض مسلسل «أهل إسكندرية»، الذي كتبه بلال فضل، ويخرجه خيري بشارة، ويقوم ببطولته عمرو واكد وبسمة وهشام سليم وإنجي شرف وعفاف رشاد، وتدور أحداثه حول فساد أحد ضباط الشرطة، والذي تقوم وزارة الداخلية بمحاسبته، قبل ثورة 25 يناير 2011.
المصدر
تابع الشرقية توداي على جوجل نيوز 
