أماكن نتولد ونكبر فيها ونلاقيها حوالينا بتتغير ، بس الغرابة والجمال دايما ماليها .. أماكن بنعيش جوة منها وبتعيشنا .
ممكن نعدي عليها ومن روحنا بتخطفنا .. بنقعد نفتكرها وبالفرح نذكرها ، واحنا صغيرين حارة جوة حارة تجري وتلعب ولما تكبر تقول ياااه ياريتها ترجع .
بتتنفس جواها مع أهلك ويا حبايبك باللمة تحلي وبالحب تسعد ، وتفوت السنين بنعدي عليها وكإن القلب بيتألم من شوقنا ليها وعنها يتكلم .
ويقول دي كانت ذكري كانت معني ، كانت في يوم لامة الشمل ودايما تجمعنا ، بتروح وتسافر وتفوتها سنين وتشوف برده ااماكن مقدرش اقول غير يا سلااام ! .. بس القلب حب ودق ، جوة الحارة وسط الصحبة تحت القمرة .
مابين حيطانها بنشم الذكري وريحتها العطرة ونقول الله .. دي كانت ذكري .
مقالات الرأي تعبر عن وجهة نظر صاحبها ولا تعبر بالضرورة عن الشرقية توداي
تابع الشرقية توداي على جوجل نيوز 
