أثارت قصة لرجل مشرد على وشك الموت في إحدى مناطق القاهرة جدلا واسعا على مواقع التواصل الاجتماعي في مصر.
ونشر أحد النشطاء ويدعى محمد المغربي بوست حكى فيه قصة مشرد يدعى وليد، يعاني من مرض السكر، وقال إنه وجده نائما بجوار سور أحد الأندية بمنطقة الحلمية، وهو في حالة يرثى لها.
وأضاف المغربي إن المشرد كانت شفاهه مشققة من العطش، لذلك عاد إليه هو وصديقه ليروي عطشه، وقام هو وصديقه بشراء عصائر وساندوتشات فول وطعمية، ولكنه رفض شرب العصير لأنه يعاني مرض السكر، ويحتاج أنسولين، لذلك أحضرا له زجاجة مياه، وعصائر فريش بينما استمر المشرد في التوسل إليهم بالله عليكم متسبونيش.. أنا بموت.. ممكن تتصلي
بالإسعاف بينما لا تقبل معدته أي مياه أو طعام.
يقول المغربي: اتصلت بالإسعاف ردوا عليه خدوا بياناتي الراجل بيموت مننا وقالولي هو واحد عادي وله ايه، قلتلهم لا متسول بس مش مجنون ومثقف جدا اسمه وليد ومن المطريه ملهوش اهل بيكلمنا كلام علمي، واعي للدنيا اوي، بس هو من الناس الغلابه بتوع الرصيف.
لكن ساعه اتنين محدش عبرنا والراجل بيجيب دم من بوقه والناس بتجري محدش بيسال في ايه هما شايفين واحد متسول بيموت واتنين واقفين جنبه
وأضاف: كلمنا الإسعاف نص ساعه محدش عبر احمد كلم الاسعاف تالت قالولنا في عربية اتحركت ليكوا خدة الموبيل وفضلت ازعق بس مش بغلط بعد 10دقايق، جت الاسعاف نزله من العربيه وقالي يا استاذ محمد ده متسول فينفعش اعمله حاجه قلتله ايوة متسول بس روح وانسان هو بيقول عايز انسوالين وعنده مشاكل في المعده وضعف عام في اوتار الرجل. نسيبه يموت؟.. حكم ضميرك متحكمش الروتين
وتابع:بصراحة طلع ذوق اتصل برئيسه قاله علي الموقف اللي شايفه كله .رئيسه قاله سيبه مبنخدش الحالات دي !! طبعا مفيش اي رد فعل مني غير اني اشكره علي المكالمة!عشان هو كان عايز يساعد.
انفعلت في الشارع على وليد وزعقتله وقلتله الاكل جنبك كل وانقذ نفسك انت ملكش غير ربنا.. فضل يعيط شيلته انا واحمد وحطناه في الضله وقلتله قول حسبي الله ونعم الوكيل
المصدر
تابع الشرقية توداي على جوجل نيوز 
