تحدث المخرج يسري نصر الله عن المنتج أحمد السبكي الذي شاركه في العديد من الأعمال السينمائية، مشيرًا إلى أنه يختلف ويتشاجر معه في الكثير من الأحيان، وأوضح أنه معجب به كمنتج، لأنه يفاصل طوال الوقت مع الأشخاص كما كان يفعل يوسف شاهين.
وقال «نصر الله»: «أنا شايف إن مفيش ممثل أيًا كان وزنه يقدر يشتغل إلا وهو مبسوط، أما أحمد السبكي فهو عظيم كمنتج لأنه بيفاصل جدًّا مع كل الناس، بيفاصل بالعربي، زي قبل كده كنا بنفاصل وبنقول عايزين 200 كومبارس وهو يقول لا هيجو بس 150، وكمان الأستاذ يوسف شاهين كان بيفاصل بالفرنساوي دي شغلته كمنتج، هو منتج بحق وحقيقي أحمد السبكي، وكنا بنتخانق في التليفون بس في الآخر أهو الفيلم طلع، مرة هو بيكسب الخناقة ومرة أنا، بس في النهاية في منتج سينمائي وأنا فخور به».
المصدر
تابع الشرقية توداي على جوجل نيوز 
