أنا كبش
انا كبش ايوة انا كبش وانت كمان كبش
بيسحبوك ويجروك ويدبحوك من بعدك يا فاروق
والعسكر قافشين فيها قفش
ايوة انا كبش
صحيح فالعسكر رجالة بس فيهم فاشل مفلحش
وبسببة بقيت انا كبششايفنى فنظرك رخيص شايفنى ماليش تمن
ماهو دا طبع الخسيس والخسيس لا يؤتمن
انا ابنك يا مصر انا التاريخ انا الحضارة
كراماتى ف كل مكان والنيل اكبر امارة
الصبر جميل ولكن طول الصبر مر
بتمر بينا السنين والحال ابدا ما يسر
عايشين وفعهدك كفرانين والعيشة ذل ف ذل
مفروض علينا جنابك وكلامك سيف وامر
علمتنى معنى الوفا وما شوفت غير الغدر
يا مصر انتى العزيمة يا بلدى انتى الارادة
ملعون ابو اللى يقول على ثورتك نار متقادة
بيكرهونا فالثورة والموت هو العنوان
مش جديد علية الموت منا ميت من زمان
ف بلدى وبرة بلدى عايش متهان
بدفع تمن الغباء وبكون انا الضحية
بموت فالشوارع وتتخزق عنية
اتقتل وادبح ولا لية دية
اتسحل فالميادين وباقى الحمير شايفين ولادك يا بلدى كل ولد ف نعش
ولسة بردة انا كبش!!
انا شايفك من بعيد ومين يقدر يمنعنى
يا ميدان قوى وعنيد سامعك وسامعنى
على ارضك هموت شهيد وترابك يحضنى
جايلك بشوق ملهوف والخوف عمرة ما يدبحنى
خططوا كمان وكمان فكروا ازاى تقتلونا تسحلونا تعذبونا تمرمتونا
قرارى بايدى خلاص والخلاص عن قريب
افرجها يا صاحب الفرج انا عايش ف بلدى غريب
مفروش طريقى بالشوك والدم والهم
دى عصابة ضميرها مات وقلبها جاحد
بكفاية ظلم وسكات دا العمر واحد والرب واحد
طفح الكيل وفاض من حقى احلم ببكرة
الحرية هى المراد فاكرينك يا ثورة مظاهرة
يا عبيد ما ليكم سيد عمر النار والحديد ما يهزونى
ااقتل مينا واقتل انس عمر كلابك ما يكسرونى
والزمن هيبين مين فينا ما بيفهمش
ولحد امتى هفضل كبش !
تابع الشرقية توداي على جوجل نيوز 
