تخيل لو رجعت إلى الزمن الجميل زمن الناس الطيبين زمن جدى وجدك والناس الصافيين طب تخيل لو اخترت تعيش فى الزمن ده هتختار مين يكون قدوتك ومين هتكون ناسيه.
طب معلش إستحملنى وعيش معايا الخيال لحظه وقولى لو رجعت لأبعد من كده لزمن أفلاطون وأرسطو والناس العالمين زمن المدينة الفاضلة زمن المثالية والرايقيين يا ترى هتكون مع مين هتتأثر بخيال المدينة الفاضلة والحاكم النبيل .
طب تخيل معايا ولو لحظة لو إخترت تعيش هناك عند الجمال والصفا وتروح برجليك للحنان والدفا قولى هيكون ده فيك والا هتكون بعيد طب يا أخى خليك صريح مع نفسك قبل ما تكون صريح واعرف فين هتروح وشوف فين الصحيح.
طب فكر تانى وقولى لو اختارنا مكان أبعد من كده لا تقولى أرسطو ولا أفلاطون ولا مدينة فاضلة ده كان زمن مافيش منه إثنين زمن النبوة والإرشاد زمن الصحابة والرواد قولى لو انت فى الزمن ده هتكون زى مانت دلوقتى طب وليه متبقاش كده خليك جرئ وخد القرار وكون كده كون فى نفسك كده قبل ما تكون كده فى الناس خليك صادق معاها واوعى يخدعك الإحساس .
طب عشنا فى زمن الصافيين واختارنا الناس الطيبين وروحنا بخيالنا مع أرسطو أفلاطون ومدينة الحنين وعشنا لحظة فى أجمل وفا مع نبى الخير والصفا والصحابة الجامدين
قولى انت فين يا حزين أيوه انت حزين عشان مش عارف انت فين والا انت مش حزين طب ما تزعلش يا عم كده وخليك رايق واختار مرة فى حياتك صح الناس الرايقيين.
بقلم : شيماء رفعت
(( جميع ما ينشر على الموقع من مقالات القراء تعبر عن رأي صاحبها ولا تعبر بالضرورة عن رأي الموقع ))
تابع الشرقية توداي على جوجل نيوز 
