الى كل ظالم مستبد
الخير فيكى يا دنيا
والا خلاص فات الآوان نمشى بأه كفاية
والا لسه فى امان نحلم ببكره جاى
من غير خوف من غير آلام نعدى
بحر الحياة بمجداف الامل
والا هنغرق فى الطوفان
نبعد نهرب من مصيرنا
والا نيجى فى السلام هو عاد
فى سلام فيكى يا دنيا صوتنا
انخرص وضميرنا مات والحياة مليانه
بالحكايات ناس غلابه متشردة
من غير ذنب كل همها لقمة وغطا
ولحاف وبيت يضمها من غير آلاف
وشمس تطلع عليها بالسعادة
تملاها وتسعد قلبها ومناها
فيكى شفت العجب يا دنيا العجاب
وشاب قلبى قبل الشباب
شفت الخيانة متجسدة فى
بنى ادم كل همه فى الحياة
يخدع قلوب الناس يجرحهم
وينسى ذنبه وكأنه من غير
احساس اتولد وكأن قلبه حجر
عايش حياته ع الألم يسمع
صوت الجراح وجراينها كأنها
نهر سايل دم وكأنه مالك كل
الحياة بأديه وكأنه اقوى م البشر
م الموت م الشجر من كل شئ
ممكن فى لحظة ينجرف جوه نهر
الحياة حاسس كأنه اقوى
حتى من الآه يضحك بكل قوته
وصوت الضحك يوصل صداه الى
المدى الى المنتهى الى
احلام الشقى وفى النهاية
يوصل بيه المطاف لأبعد من كده
بقلم : شيماء رفعت
(( جميع ما ينشر على الموقع من مقالات القراء تعبر عن رأي صاحبها ولا تعبر عن رأي الموقع ))
تابع الشرقية توداي على جوجل نيوز 
