كتب | أحمد سمير
أكد الرئيس «عبد الفتاح السيسي» أن مصر حالياً بسبب ما يحدث من غدر الجماعات الإرهابية تعيش فترة تشبه الحرب بالفعل، وتم حشد لها آلاف الجنود خلال 40 شهر سبق، لكن لا نريد أن يعيش الشعب المصري أجواء الحرب مثل ما كان يحدث في 67 ، 73.
وقال السيسي، أثناء لقائه مع شباب «البرنامج الرئاسي»: إحنا في مواجهة كبيرة قوي ممتدة من 40 شهر، كتير منكم ما عاش مناخ الحرب لما كان مافيش كلام على لسان الدولة غير عن الحرب، والسينما عن الحرب، إلقاء الضوء كله على الحرب، إحنا ما عملناش كده لأسباب كتير وظروف كتير، لكن إحنا بالفعل دولة بتحارب.
واستكمل: الفترة اللي فاتت شهدت اجتماعات مكثفة بيني وبين الجيش والشرطة علشان الأمن مش في سينا بس في مصر كلها، أنت مش متصور تأمين مصر اللي مساحتها مليون كيلو متر مربع، وتأمين حدودنا 1200 كيلو متر محتاجة مجهود وتكاليف قد ايه، كل يوم نسمع عن ضبط عربيات دفع رباعي محملة بالأسلحة، حد عرف اتكلفنا قد ايه عشان نحمي الحدود، ما حدش عارف كام واحد مش بينام عشان يسهر يحمي مصر.
تابع الشرقية توداي على جوجل نيوز 
