نفت الفنانة رجاء حسين أي صلة لها بالصورة المتداولة على مواقع التواصل الاجتماعي فيس بوك، مع الفنانة بوسي، مؤكدة أنها لم ولن تحضر أي مناسبة اجتماعية في حياتها، قائلة: “أنا عندي 80 سنة عمري ما روحت فيهم مناسبات زي دي أنا منفصلة تمامًا عن الخروجات والظهور الاجتماعي ده.
عبرت ، في تصريح صحفي، عن استيائها الشديد من الواقعة ونشر تلك الصورة ومقارنتها بصورتها، والادعاء أنها هي قائلة: “ليه تشوهوا صورتي بعد العمر ده ليه؟ شوفتوا مني إيه طول حياتي يخليكم تشوهوني كده؟.
بكت الفنانة القديرة، متأثرة بالموقف، وأوضحت أنها طيلة حياتها منذ أن دخلت المسرح القومي وهي 17 عامًا إلى الآن وهي 80 عامًا لم تظهر بهذا الشكل، ولم تجمل نفسها بمساحيق ولم ترتدِ في صغرها أي ملابس مكشوفة قائلة: “اسألوا عني المسرح القومي اللي خشبته تشهد عليّ وقت عزي وشبابي ووقت الروايات اللي مثلتها عليه إذا كنت لبست البتاع ده قبل كده أنا مقدرش والله ما اقدر ولا عمري قدرت أعمل ده هعمله وأنا في أواخر عمري ليه؟.
طالبت من المروجين والمصدقين بأن تلك صورتها أن يذهبوا لها في المكان الذي يريدونه ليقارنوا بأنفسهم ويرونها على الطبيعة للتحقق من أنها ليست صاحبة الصورة، مطالبة إياهم بأن يبحثوا عن صورها في تكريماتها طيلة حياتها، وأثناء حضورها مهرجان القاهرة السينمائي سابقًا قائلة: “يشوفوا مهرجان القاهرة اللي كله سواريهات وريد كاربت وناس بتتصور، وصوري فيه كلها ببنطلون وبالطو أو بلوزة طويلة عليه.. هي دي أنا.. ومش أنا والله اللي تلبس سواريه”.
وصفت رجاء حسين تلك الحملة عليها بـ «حملة التشويه»، مؤكدة على أنها لم تفعل ذلك من قبل هل تفعله بعد فقدانها لابنها العقيد كريم عبد الرحمن، قائلة: “يعني أعمل ده واغير في خلقتي بعد وفاة ابني إزاي أي عقل يصدق ده”، مؤكدة أنها لم تتجرأ أبدًا على تغيير أي شيء في شكلها، لافتة إلى أنها منذ فترة قصيرة قد تعرضت لوعكة صحية وذهبت إلى إحدى مستشفيات مدينة السادس من أكتوبر وأصر الطبيب على إعطائها “حقنة” لخفض الضغط العالي حفاظًا على صحتها إلا أنها خافت منها ورفضت ذلك تمامًا، مضيفة: أقوم أحط مشرط وأشد وأغير.. أنا لا عمري غيرت ايدي ولا رجلي ولا وشي، معلقة: وحتى لو عملت ده؟ إيه المشكلة؟ وليه الناس شاغلة بالها؟ هو أنا مش ست زيي زي الستات؟ مليش نفس؟ حتى لو أنا مقدرش أعمل ده؟ لو عملته مش هيكون من حقي؟.
في سياق متصل، قالت إنها لا تعرف الفنانة بوسي تمامًا، مضيفة أنها بحثت وتحرت عنها لكي تعلم من هي وتعرف من شبيهتها تلك متابعة: “أنا تحريت عن صاحبة الصورة ولقيت أن أسمها بوسي، وحاولت أوصلها عشان أعرف مين اللي معاها دي وأقولها تطلع تبرئني قدام الناس عشان يبطلوا يشوهوا في صورتي بالشكل ده.
المصدر
تابع الشرقية توداي على جوجل نيوز 
