نشرت الفنانة دينا حسين مقطع فيديو عبر حسابها الخاص على موقع التواصل الاجتماعي “فيس بوك” ووجهت فيه انتقادات حادة للوسط الفني، مؤكدة أنها لن تستطيع أن تحصل على فرصة لبداية طريق النجاح بدون تقديم تنازلات.
حيث قالت في مقطع الفيديو: “أنا خلاص تعبت، هو أنا صوتي وحش، ولا شكلي وحش؟ طيب فيا عيب؟ معتقدش”، وأشارت: أنا كل ما أروح شركة إنتاج يقولوا ليا الله يا فنانة صوتك جميل، وخلاص هنبتدي شغل، وبعد كده يبص في حته تانية خالص، يبص لجسمي، لشكلي، يصاحبني، يرافقني، أو يتجوزني عرفي”.
وتسائلت خلال الفيديو: “هو أنا لازم أعمل حاجة غلط؟ هو أنا لازم أقدم تنازلات؟ أنا طلع عيني لحد ما وصلت للي أنا فيه”، وأردفت: “أنا مبقولش أنا مش بقوم من على السجادة، أنا بسهر وليا صحاب والرجالة أكتر من البنات، وبلبس مفتوح وقصير، لكن مبعملش حاجة غلط، ومش عايزة أعمل حاجة غلط”.
وأضافت: “دراسة ودرست، شغل في الشارع واشتغلت، واشتغلت في الأوبرا، وعملت كل حاجة بتأهل الفنان أنه ينجح، وتعبت على نفسب وسهرت واتبهدلت، خدتها من تحت، بس عايزة أوصل وانجح، أوصل باحترامي وكياني وبصوتي ومش لازم أعمل حاجة غلط”.
واستكملت: “هو احنا سمعتنا وحشة من فراغ، مش شرط الغنا بس، أي نوع من أنواع الفن بقا معروف إن سمعته وحشة، ولو الفن إني لازم أصاحب المنتج، يبقا أحسن لي إني أقعد بكرامتي، أنا تعبت شوفولي حل، لو صوتي وحش قولولي اقعدي في بيتك وما تشتغليش، أنا تعبت ومش عارفة أعمل ايه”.
https://web.facebook.com/DINA.ELMASRII
تابع الشرقية توداي على جوجل نيوز 
