المطبخ الشرقاوي

منيو 1 رمضان.. «مكرونة بشاميل ، بط ، قمر الدين»

كتبت | مي عادل

نقدم لمتابعي موقع الشرقية توداي مينو إفطار أول يوم رمضان 2017 .

 

طريقة عمل البشاميل: 

-نضع معلقتين كبار من السمنة أو الزبدة و نتركها تسخن قليلاً.

-نضيف عليها 2 معالق كبار من الدقيق ونقلبهم جيدًا حتي يغلي الدقيق و السمن ونهدئ النار.

-نضع عيلهم لتر من السائل” ممكن أن يستخدم اللبن أو نصف لبن و نصف شوربة” ونستمر في التقليب فى نفس وقت الإضافة وتكون النار متوسطة ونستمر في التقليب.

-نضيف عليهم ملح و فلفل و جوز الطيب (اختيارى) و معلقة كبيرة من الجبن الشيدر أو الرومى المبشورة أو جبن مثلثات أو شيدر و أيضاً نستمر في التقليب، يجب متابعتها و تقليبها حتي تظهر فقاعات علي البشاميل ومعناها أنه بدأ في النضج ( يكون سمك البشاميل خفيف وسايل أخف من سمك عجين الكيك )

طريقة تحضير المكرونة

– نحضر صينية مناسبة لتحضير المكرونة البشاميل و نضع في أرضيتها بشاميل و نوزعه جيدًا.

– نحضر مكرونة فرن مسلوقة وجاهزة ونضيف عليها بشاميل و نقلبها جيدًا ليصل صوص البشاميل للمكرونة كلها، والآن أصبحت المكرونة جاهزة لتوضع فى الصينية.

-نرص طبقة من المكرونة وعليها طبقة من اللحمة المفرومة المعصجة ( عند تعصيج اللحمة لا ننسي وضع معلقة صغيرة من الصلصة) و بعد وضع اللحمة فوق المكرونة نضيف مقدارًا من البشاميل فوقها.

-نضع طبقة ثانية من المكرونة ثم باقى البشاميل كله على الوش ونحاول توصيله لكل مكان فى الصينية.

-من الأعلي علي السطح نرش القليل من اللبن الحليب أو جبنة رومى مبشورة أو قشطة ونقوم بإدخالها في الفرن على درجة 200 ولمدة نصف ساعة ثم نفتح الشواية لمدة دقيقة.

البط

بطه متنضفه ومغسوله
بصل مبشور
زبدة
زيت
ثوم مفروم
فلفل حار
1 كوب ارز منقوع ومغسول
ورق غار
فلفل
ملح
جوزة الطيب
كبدة وقوانص قطع صغيرة
صلصه
ربع مكعب مرق
(حشو البطه)
كسبرة ناشفه
زعتر
حبهان مطحون
بصل مبشور
ملح
فلفل
كمون

طريقه تحضير الوصفه

1-فى حله على النار نشوح البصل فى زبدة ولمه تدبل نضيف فص ثوم وفلفل حار ونقلبهم مع بعض كويس.

2- ونضيف عليهم الارز وورق الغار وملح وفلفل ونضيف الكبدة والقوانص وجوزة الطيب وصلصه ونقلبهم مع بعض كويس.
3- ومكعب المرق ونقلبهم كويس اوى ونسيبها تبرد هنحشى بيها البطه.

4- ونجيب البطه ونتبلها ملح وفلفل.

5-,فى بوله نضع ملح وكسبرة ناشفه وكمون و فلفل وحبهان مطحون وورق غار وزعتر وبصل مبشوره ونقلبهم مع بعض ونتبل بيها قلب البطه.

6- ونحشى البطه بالارز ونقفلها علشان الحشو ميخرجش منها.

7-وفى حله على النار بيها ماء مغلى وجزر وبصل وكرفس وكرات وطماطم وفلفل وحبهان وورق لورا نسلق فيها البطه ونسيبها لحد ما تستوى وتاخد ساعه على النار.

8- ونجيب صينيه ونضع فيها البطه وندهنها صلصه وملح وفلفل.
9- وندخلها الفرن على 180 درجه لمدة 10 دقائق.

قمر الدين

المكونات:

لفة قمر الدين

سكر حسب الرغبة -تذوقي أثناء التقليب للحصول علي التحلية المناسبة-.

ماء فاتر -لتر ماء تقريباً-

بلح أو مكسرات للتزين حسب رغبتك.

التحضير:

انقعي لفة قمر الدين في الماء الفاتر لمدة يوم.

ثم يقلب جيداً حتي يذوب تماماً، ويصفي ويحلي بالسكر حسب الرغبة ويقدم بارد.

يمكنك تزيينه بالمكسرات أو البلح.

 

الشرقية توداي مني لكم صومًا مقبولًا وإفطارًا شهيًا

زر الذهاب إلى الأعلى