و أول ما إشترى الكمبيوتر لقى نفسه زهق فقال لازم اعمل حساب على الـ ……
و أول ما عمل حساب على الـ …… قال لكل صحابه عشان يعملوا هما كمان حساب على الـ ……
و فى مره إتصور مع ممثل ومن كتر فرحته بالصوره راح منزلها على الـ ……
راح كل صحابه هما كمان اتصوروا مع ممثلين و نزلوا صورهم على الـ ……
راح طالع شرم يصيف و ركب البيتش باجى و متلثم بالشال و إتصور كام صوره عشان ينزلهم على الـ …… راح كله طالع شرم و متغمى و متصور و اديلوا على الـ ……
راح نازل البيسين و متصور على حرف البيسين و هو مبين كتافه و ساند بدراعه على الحرف ماهو برضه لازم صوره بقى عشان الحته اللى ضايفها على الـ ……!!!
قام الكل متصور و مبين كتافه و هما ساندين بإيديهم وقاموا مفرتكين بصورهم الـ ……
راح ناسى ده كله و طلع يعمل عمره و اتصور جنب الكعبه و نزلها على الـ ……
راحوا طالعين و عاملين عمره و اتصوروا فى الكعبه و up loadعلى الـ ……
راح عامل صفحه و كتب فيها اللى فى نفسه و هو مستخبى جوا الـ ……
راحوا كلهم عاملين صفحات و غرقوا بيها الـ ……
ولما الـ …… بقى زحمه راحوا قافلين ليهم الـ ……
فطلعوا على التحرير و قالوا اللى كانوا بيقولوه على الـ ……
و لما اتلموا مع بعض و قالوا اللى عاوزينه بس وهما شايفين بعض مش زى كل مره الـ ……
حصل اللى كانوا عاوزينه و اكتر من اللى كان ممكن يحصل او يستنوه من الـ ……
وبقوا كل ما يحبوا يشوفوا بعض يستنوا يوم الجمعه و يتقابلوا هناك بدل ما يتقابلوا على الـ ……
و خلوا لكل جمعه اسم بعد ما يتفقوا عليه جوه الـ ……
و ينزلوا التحرير يوم الجمعه و يسموها باسمها اللى كان على الـ ……
يا ترى بكره هيحصل ايه تانى فى التحرير و هيحصل قبله ايه يا ترى فى ال … … ؟؟؟؟؟
يا ترى بعد كده الناس بقت مش هتتحرك الا بالـ ……
و للا هترجع زى زمان هى اللى فى ايديها تحرك او توقف الملعون اللى جننهم و اللى اسمه الـ ……
أحمد حلمى أيوب
Mobile :0178888018
تابع الشرقية توداي على جوجل نيوز 
