الصيف يعني المصيف والساحل والبحر وكلنا بندور على جسم رياضي مشدود في حياتنا اليومية، وخصوصًا في الساحل وعلى البحر.
ولو عايز تعرف شوية معلومات وحاجات هتعملها هتساعدك علشان يكون عندك جسم مشدود وعندك عضلات بطن وتقدر تتصور وتعمل أحلي سيشن على البحر، في المقال ده هيفدك وهيسعدك لو طبقت العناصر اللي هشرحهالك دي:
-لو مبتروحش الجيم أو مبتعلبش رياضة يبقا أول حاجة لازم تعملها أنك تقوم تحضر شنطة التمرين وجري على أقرب جيم يقبلك علشان التمرين بالأوزان هي اللي هتخلي عضلاتك مشدودة وشكلها بارز ومتناسق.
وكمان الجيم هيخليك تحرق سعرات حرارية إضافية لو أنت عندك مشكلة ووزنك ذيادة، أما بقا لو أنت رفيع وعايز تشد جسمك فبرضه الجيم هيساعدك علشان تكبر عضلات وشكلك يكون مظبوط.
-اتباع نظام غذائي صحي وعلى حسب سعراتك اللي محتاجها وحاول علي قد ما تقدر يكون الاكل صحي وطازج وابعد عن الاكل المصنع والسريع.
علشان الأكل الغير صحي ده مش هيفدك في حاجة علشان فيه كمية كبيرة من الدهون والزيوت، وكمان فية سعرات حرارية كبيرة جدًا في كل واجبة ومن أمثلة الأكل الصحي اللي لازم يكونو في نظامك الغذائي « الخضروات – الفاكهة – الألبان -الأسماك -اللحوم – الفراخ»، وغيرها من الأطعمة الصحية.
– اتمرن على عضلة البطن من 3 إلي 4 مرات أسبوعيًا أو يوم ويوم سواء في الجيم أو في البيت وبمعدل من 4 إلي 6 تمرينات وبتكررات متوسطة، لأن عضلة البطن زي أي عضلة لازم تمرنها علشان تكبر وتكون بارزة ومتقسمة وشكلها حلو.
وكمان لو بطنك عليها نسبة دهون عالية يبقا لازم تحاول تقللها وتتعب شوية علشان عضلة البطن مبتطلعش بسهولة يا وحش أنت وهوه.
-تمرين الكارديو ودة مهم جدًا في الفترة دي علشان هيسعادك في إنقاص الوزن وكمان تقليل نسبة الدهون في جسمك وبالتالي عضلات جسمك تتقسم، ومن أمثلة تمرينات الكارديو «الجري- ركوب العجلة- نط الحبل- الإيروبكس» ) وتتمرن التمرينات دي كل يوم بمعدل 30 دقيقة كحد أدني في اليوم على حسب نسبة دهونك.
-لو نسبة دهونك أكتر من 12% يبقا للأسف مش هتقدر تشوف عضلات بطنك فلازم توصل نسبة دهونك لأقل من 12الي 8% والنسبة دي هية اللي هتسمحلك أنك تشوف عضلات بطنك بارزة حتى لو معندكش حجم عضلي كبير هيكون شكل جسمك متناسق وعضلاتك متقسمة.
-استخدام المكملات الغذائية ودة شئ اختياري فلو عايز تحقق نتيجة كبيرة وفي فترة صغيرة، فأنت هتحتاج تشتري شوية مكملات غذائية بسي دي هتكون مكلفة شوية وسعرها غالي، بس هتعوضك عن بعض الواجبات اللي هتحاجها علي مدار اليوم.
لوأنت في شغلك زي البروتين شيك وكمان هتساعدك أنك تنزل وزنك لو حابب نتيجة سريعة وزي ما قلت المكملات دي سعرها غالي، فلو معاك فلوس ومش عندك وقت يبقا شوف اية اللي يناسبك واستخدمة .
– حمام الشمس لو انتا مجربش حمام الشمس يبقا فاتك كتير لأن أشاعة الشمس تعتبر مصدر مهم جدا لفيتامين د، كمان تساعد علي امتصاص الكالسيوم مما يذيد من قوة العظام.
وكمان بتشد الجلد وبتخلية شكلة برونزي علشان يوضح تفاصيل الجسم ويزهر بشكل جذاب علي البحر.
تابع الشرقية توداي على جوجل نيوز 
