أصدر الفنان أشرف ذكي نقيب المهن التمثيلية قرارًا بوقف الفنانة رحاب الجمل والفنان باسم سمرة عن التمثيل ومزاولة مهنة الفن.
جاء ذلك خلال مداخلة هاتفية للدكتور أشرف ذكي مع الإعلامي عمرو أديب عبر برنامجه الحكاية المذاع على قناة أم بي سي مصر الفضائية.
حيث قال نقيب الممثلين خلال مداخلته: تم منعهم من مزاولة المهنة وهنجيب كل الكاميرات وهنحقق في الموضوع ده.
كانت الفنانة رحاب الجمل قد كتبت عبر صفحتها الرسمية على موقع التواصل الاجتماعي فيس بوك، منشورًا يتضمن اتهامها لباسم سمرة بالتعدي على أكثر من فنان إلى جانب ارتكابه أخطاء غير أخلاقيه مثل الدخول لموقع التصوير وهو سكران وغير واعي.
فيما نفى باسم سمرة ما وجه له من اتهامات، قائلًا: الموضوع اتفه من كده وابسط من كده.. الفنانة اللى قالت الكلام ده كان عندها سفر قبل يوم 14 وعاوزة تخلص الفيلم.. وبحاول اقولها استنى شوية يومين 3 وبعد كده سافرى.. لان فيه تظبيط فى الفيلم وكده وقالت بعد كده خلاص بعتذر.. وقلت للمخرج خلاص نجيب واحدة تانية.
وصرح في مداخلة له مع عمرو أديب: كان عندى مسلسل معرفش مين فيه الأبطال الأساسين وكانت طالبة فلوس زيادة ومشوها والبنت افتكرت أن انا مشيتها من الفيلم والمسلسل.
واستكمل: انا مش عاوز اطلع دور البريء اللى هيغلط هظبطه يعنى، الحكاية كنا قاعدين فى فندق شهير ومفيش الكلام ده، أخر مرة جايبها من القسم لأن جوزها كان نصاب وماشى بـ2 لاسلكى ورحت جبتها من القسم وكانت ملهاش ذنب، أى حد يتكلم عنى تانى مش هسكت، وبحترم النقابة جدا فى قرارها.